ચાર્લી મેકવિકર અને તેના બોયફ્રેન્ડ લ્યુક વાકરે સાથે રહેવાનું નક્કી કર્યું, ત્યારે તેઓએ એક જૂની બસ ખરીદી, વૈભવી ઘર નહીં. આ બંનેએ 544 સ્ક્વેયર ફૂટ લંડન ડબલ ડેકરને લક્ઝરી ઘરમાં ફેરવ્યું. તે બંને ભાડાના મકાનમાં વધારે પૈસા ચૂકવવા માંગતા ન હતા.
ચાર્લીના પિતાની પોતાની જમીન છે. તેણે અને લ્યુકે સાથે મળીને નક્કી કર્યું કે તે જમીનની કિંમત ચૂકવીને તેઓ પોતાનું ઘર ત્યાં સ્થળાંતર કરશે. તેના વૈભવી ઘરમાં ફાયર પ્લેસ, બાથટબ, લાકડાથી સળગતા સ્ટવ અને આલમારીઓ પણ છે. એક બેડ અને ટીવી પણ છે. સાથે જ લિવિંગ રૂમ અને કિચનની સુંદરતા પણ જોવા જેવી છે.
આ વૈભવી મકાનમાં માઇક્રોવેવ, ફાર્મ હાઉસ સિંક, ફ્રિજ અને વોશિંગ મશીન પણ છે. અહીં બનેલા ડાઇનિંગ રૂમમાં ત્રણ લોકો બેસી શકે છે, જ્યારે લિવિંગ રુમમાં બે બેંચ લાગેલી છે.
આ બસને ઘરમાં રૂપાંતરિત કરવામાં દંપતીને એક વર્ષ લાગ્યું. રોગચાળાને કારણે બંને અહીં રહીને તેમનું ઓફિસનું કામ કરી રહ્યા છે. બસમાં વાઇ-ફાઇ, વીજળી અને પાણીની વ્યવસ્થા પણ આપવામાં આવી છે.
બસની બહાર આઉટડોર બેઠકની પણ વ્યવસ્થા કરવામાં આવી છે. આ લક્ઝરી હાઉસમાંથી સુંદર જળાશયનો નજારો પણ જોઈ શકાય છે.
ચાર્લી અને લ્યુક બંનેને ડબલ ડેકર બસમાં રેહવાનું પસંદ છે. તેઓ અહીં આવીને ખૂબ જ ખુશ છે.
તેઓ કોઈ પણ સંજોગોમાં તેને છોડવા માંગતા નથી. તેઓ આ વૈભવી મકાનમાં જલ્દીથી એ.સી. લગાવવા માંગે છે, જેથી હવામાન બદલાય ત્યારે અહીં રહેવું મુશ્કેલ ન પડે.