India’s Secret Island: આપણી પૃથ્વી પર એવી અનેક જગ્યાઓ છે જે પોતાની સુંદરતા માટે જાણીતી છે, પરંતુ કેટલીક જગ્યાઓ એટલી ખતરનાક કે રહસ્યમય છે કે ત્યાં સામાન્ય માણસોને જવાની મનાઈ છે. આ સ્થળો પાછળ ક્યાંક જીવલેણ પ્રાણીઓ છે તો ક્યાંક સરકારના ગુપ્ત રહસ્યો. તમને જાણીને નવાઈ લાગશે કે આ લિસ્ટમાં આપણા ભારતનું પણ એક એવું ટાપુ (Island) છે જ્યાં જવું એટલે મોતને આમંત્રણ આપવા સમાન છે. દુનિયાની 5 પ્રતિબંધિત જગ્યાઓ..

સ્નેક આઈલેન્ડ, બ્રાઝિલ (Snake Island):

બ્રાઝિલના દરિયા કિનારે આવેલો આ ટાપુ દુનિયાની સૌથી ખતરનાક જગ્યાઓમાંની એક છે. અહીં દર ચોરસ મીટર દીઠ 1 થી 5 અત્યંત ઝેરી સાપ જોવા મળે છે. અહીંના ‘ગોલ્ડન લેન્સહેડ’ સાપનું ઝેર એટલું શક્તિશાળી છે કે તે માણસના માંસને પણ ઓગાળી શકે છે. તેથી બ્રાઝિલની સરકારે અહીં પ્રવાસીઓના જવા પર પ્રતિબંધ મૂક્યો છે.

નોર્થ સેન્ટિનલ આઈલેન્ડ, ભારત :

ભારતના આંદામાન અને નિકોબાર ટાપુઓ (Island) પાસે આવેલો આ ટાપુ દુનિયાથી એકદમ અલગ છે. અહીં ‘સેન્ટિનલીઝ’ નામની આદિવાસી જનજાતિ રહે છે, જે હજારો વર્ષોથી બાહ્ય દુનિયાથી કપાયેલી છે. તેઓ બહારની દુનિયાના કોઈપણ વ્યક્તિને જોતા જ તીર-કામઠાથી હુમલો કરે છે. તેમની સુરક્ષા અને સંસ્કૃતિને જાળવવા ભારત સરકારે આ ટાપુ પર જવા પર કાયદેસરનો પ્રતિબંધ મૂક્યો છે.

સ્વાલબાર્ડ ગ્લોબલ સીડ વોલ્ટ, નોર્વે:

આને ‘ડૂમ્સડે વોલ્ટ’ (Doomsday Vault) પણ કહેવામાં આવે છે. બરફની નીચે બનેલી આ ગુપ્ત જગ્યામાં (Island) દુનિયાભરના પાકોના બીજ સુરક્ષિત રાખવામાં આવ્યા છે. જો ભવિષ્યમાં કોઈ મોટી કુદરતી આફત કે પરમાણુ યુદ્ધ થાય, તો અહીંથી બીજ લઈને ફરીથી ખેતી કરી શકાય. અહીં માત્ર અધિકૃત વૈજ્ઞાનિકોને જ જવાની મંજૂરી છે

લાસકો ગુફાઓ, ફ્રાન્સ:

આ ગુફા તેના 17,000 વર્ષ જૂના ભીંતચિત્રો (Cave Paintings) માટે પ્રખ્યાત છે. અગાઉ અહીં પ્રવાસીઓને જવાની છૂટ હતી, પરંતુ લોકોના શ્વાસમાંથી નીકળતા કાર્બન ડાયોક્સાઈડને કારણે આ કિંમતી ચિત્રો ખરાબ થવા લાગ્યા. તેથી, 1963 થી આ ગુફા સામાન્ય લોકો માટે બંધ કરી દેવામાં આવી છે.

એરિયા 51, અમેરિકા:

અમેરિકાના નેવાડામાં આવેલી આ લશ્કરી છાવણી દુનિયાની સૌથી રહસ્યમય જગ્યા છે. એવી અફવાઓ છે કે અહીં એલિયન્સ (Aliens) અને UFO પર સંશોધન કરવામાં આવે છે. આ જગ્યા એટલી ગુપ્ત (Island) છે કે અહીંની સુરક્ષા અત્યંત કડક છે અને કોઈપણ બિનઅધિકૃત વ્યક્તિનું ત્યાં પહોંચવું અશક્ય છે.

આ જગ્યાઓ (Island) સાબિત કરે છે કે કુદરત અને વિજ્ઞાનના કેટલાક રહસ્યો સુરક્ષિત રાખવા માટે માણસોને તેનાથી દૂર રાખવા જ હિતાવહ છે. ભલે આપણે આ સ્થળોએ રૂબરૂ ન જઈ શકીએ, પણ તેમના વિશે જાણીને રોમાંચ ચોક્કસ અનુભવી શકીએ છીએ.

આ પણ વાંચો: રડવાના અને ઊંઘવાના પણ મળે છે લાખો રૂપિયા! દુનિયાની આ 5 અજીબોગરીબ નોકરીઓ વિશે જાણીને તમારું માથું ભમી જશે

આ પણ વાંચો: ક્યાંક પત્નીનો જન્મદિવસ ભૂલવો છે ગુનો, તો ક્યાંક બાળક પેદા કરવા પર છે મનાઈ! દુનિયાના અજીબોગરીબ કાયદા

આ પણ વાંચો: ક્યાંક કમર જોઈને મળે છે નોકરી, તો ક્યાંક એક્સ્ટ્રા કામ કરવું છે ગુનો! જાણો દુનિયાના અજીબોગરીબ જોબ રૂલ્સ