રાજસ્થાન હનુમાનગઢમાં એક એવી ઘટના બની કે પત્ની પતિને સરપ્રાઇઝ આપવા જઇ રહી હતી ત્યારે રસ્તામાં અકસ્માત નડ્યો, જિલ્લાના ટાઉન પોલીસ સ્ટેશન વિસ્તારમાં લખુવાલી નજીક એક કાર નહેરમાં પડી હતી. આ અકસ્માતમાં ચાર લોકોનાં મોત નીપજ્યાં હતાં. આ ઘટનામાં દંપતી તેમનું બાળક અને એક અન્ય મહિલા સામેલ છે. મોડી રાત્રે બનેલા આ અકસ્માતમાં મૃતદેહોને બહાર કાઢવામાં આવ્યા હતા. આ અકસ્માતમાં વિનોદ અરોરા, પત્ની રેણુ, પુત્રી ઇશા અને એક મહિલા સુનિતા ભાટીનું મોત નીપજ્યું હતું.
તપાસમાં બહાર આવ્યું છે કે કાર નહેરમાં પડતાંની સાથે જ સુનીતા ભાટીએ તેના પતિને ફોન કર્યો હતો. સુનીતાનો ફોન લગભગ 15 મિનિટ સુધી ચાલ્યો હતો. તેણે પતિને ફોન પર જણાવ્યું કે અમારી કાર નહેરમાં પડી ગઈ છે. ત્યારબાદ ચીસો પાડવાના અવાજો આવવા લાગ્યા. દરેક લોકો મદદ માટે પોકાર કરતા રહ્યા. વિનોદ અરોરાના ફોનમાં પણ લગભગ 15 મિનિટ સુધી રિંગ વાગી રહી હતી. ત્યારબાદ બધું શાંત થઈ ગયું. દરેકના ફોન બંધ થઈ ગયા.
સગીરા પર 2 વર્ષ સુધી 20 ફાયર ફાયટરોએ કર્યો રેપ, આ રીતે થયું શોષણ, પછી સામે આવ્યું રહસ્ય..
મહિલા તેના પતિને સરપ્રાઇઝ આપવા ગઇ હતી
મૃતક સુનિતા ભાટીનો પતિ સંદીપ સંગીરીયાની સરકારી ઉચ્ચતર માધ્યમિક શાળા ફતેહગઢ ખાતે લેક્ચરર છે. પરિવારે જણાવ્યું કે સુનીતા ભાટી બંને દીકરાઓ સાથે સીકરમાં રહેતી હતી. સંગીતા તેના પતિને મળવા જઇ રહી હતી. સુનિતા અચાનક જ તેના પતિ સંદીપને સરપ્રાઇઝ આપવા માંગતી હતી.
એવું કહેવામાં આવી રહ્યું છે કે ઘટના સમયે દરેક કારમાં સૂતા હતા. માત્ર સુનીતા જ જાગી રહી હતી. અચાનક કાર નહેરમાં લપસી પડતાં તે સ્વસ્થ થઈ શકી ન હતી, જેના કારણે તમામનાં મોત નીપજ્યાં હતાં.
