યોગી સરકાર ટૂંક સમયમાં કેબિનેટનું વિસ્તરણ કરશે. યોગી સરકારનું આ ત્રીજું વિસ્તરણ હશે. આ માટે ભાજપ સંગઠન અને સરકારે નામો નક્કી કર્યા છે. યુપીમાં ટૂંક સમયમાં 6 નવા પ્રધાનો બનાવવામાં આવશે. એવું કહેવામાં આવી રહ્યું છે કે આ ચૂંટણીમાં જ જાતિના સમીકરણને ધ્યાનમાં રાખવામાં આવશે જેનાથી આગામી ચૂંટણીમાં લાભ થઇ શકે છે. થી

સૂત્રોના જણાવ્યા અનુસાર જિતિન પ્રસાદ અને સંજય નિશાદના નામો મંત્રી બનવામાં  સૌથી આગળ છે  નવા 6 મંત્રીઓની યાદીમાં તેમનો સમાવેશ થઇ શકે  છે. તે જ સમયે, કેટલાક અન્ય ઓબીસી ચહેરાઓને પણ સ્થાન આપવામાં આવી શકે  છે.ઉલ્લેખનીય છે કે  થોડા દિવસ પહેલા યુપી ભાજપ પ્રદેશ પ્રમુખ સ્વતંત્ર દેવ દેવ સિંહ અને સંગઠન પ્રધાન સુનિલ બંસલે દિલ્હીમાં ભાજપના રાષ્ટ્રીય અધ્યક્ષ જે.પી.નડ્ડા સાથે મુલાકાત કરી હતી, શુક્રવારે યુપી ભાજપ અધ્યક્ષ સ્વતંત્ર દેવ સિંહ ફરી એકવાર દિલ્હી પ્રવાસ પર ગયા હતા. સૂત્રોએ જણાવ્યું હતું કે સ્વતંત્ર દેવસિંહે ટોચના નેતાઓને મળ્યા હતા

મહત્વનું છે કે, યુપીમાં આવતા વર્ષના પ્રારંભમાં વિધાનસભાની ચૂંટણીઓ યોજાવાની છે. તે જોતાં રાજકીય અને જાતિના સમીકરણોની દ્રષ્ટિએ યોગી મંત્રીમંડળના વિસ્તરણની વાત થઈ રહી છે. જો કે, મંત્રીમંડળના વિસ્તરણ અંગે અટકળો લાંબા સમય સુધી ચાલુ રહી હતી. પરંતુ આ દરમિયાન પીએમ મોદીની કેબિનેટનું કેન્દ્રિય સ્તરે વિસ્તરણ થયું. તેમાં પણ યુપી તરફથી મહત્તમ રજૂઆત જોવા મળી હતી. તે વિસ્તરણમાં સંજય નિશાદ જેવા ચહેરાઓને સ્થાન ન મળતાં પણ તેમણે નારાજગી વ્યક્ત કરી હતી. હવે સૂત્રોના જણાવ્યા અનુસાર એવું કહેવામાં આવી રહ્યું છે કે સંજય નિશાદને યોગી મંત્રીમંડળમાં સ્થાન આપવામાં આવશે.