અમેરિકાના ન્યૂયોર્કમાં બનેલી આ ચોંકાવનારી ઘટના વિશે જાણીને તમારા રુવાંટા ઉભા થઈ જશે. ખરેખર કળિયુગી પિતાએ તેમની નવજાત પુત્રીને બરફથી ઢંકાયેલા એક ઝાડ પર છોડી દીધી. તેમ છતાં, તેણીનું મૃત્યુ ન થયું તો તેની પુત્રીના માથા પર 2 ગોળીઓ ચલાવી હતી.
આરોપી પિતા હજી સગીર છે. તે માત્ર 16 વર્ષનો છે. પરંતુ કાયદા મુજબ, નાના આરોપી પર પુખ્ત ઉમરને કારણે આરોપ લગાવવામાં આવશે. સગીર તરીકે તેની નવજાત બાળકીની હત્યા કરવાના કેસમાં તેને કોઈ છૂટ આપવામાં આવશે નહીં.
નવજાતને શા માટે માર્યુ?
ન્યુ યોર્કના અલ્બાનીમાં, આરોપી અને તેની પત્નીએ નવજાત પુત્રીની હત્યા કરવાનો નિર્ણય લીધો કારણ કે તેઓ નવજાતની સંભાળ રાખવામાં સક્ષમ ન હતા. તેથી તેઓએ શિયાળાની ઠંડીમાં બરફથી ઢંકાયેલા ઝાડ પર નવજાત બાળકની મૃત્યુ માટે છોડી દીધી હતી.
મળતી માહિતી મુજબ કડડ ઠંડી છતાં નવજાત પુત્રીનું મોત નીપજ્યું નહીં ત્યારે પિતાએ તેના માથામાં બે ગોળી મારી દીધી હતી. ત્યારબાદ, તેણે મૃત યુવતીની લાશ છુપાવવાનો પ્રયાસ પણ કર્યો. જો કે તે તેમાં સફળ થઈ શક્યો નહીં.
નવજાત બાળકીની ડેડબોડી જપ્ત કરાઇ
પોલીસને રવિવારે નવજાત અને 2 ખાલી કારતુસ મળી આવ્યા હતા, ત્યારબાદ આરોપીની ધરપકડ કરવામાં આવી હતી અને આરોપીને વીડિયો કોન્ફરન્સિંગ દ્વારા કોર્ટમાં રજૂ કરવામાં આવ્યો હતો.
નવજાત શિશુનો જન્મ બાથટબમાં થયો હતો
મિરરના રિપોર્ટ અનુસાર 5 જાન્યુઆરી 2021 ના રોજ, નવજાતની માતાએ તેના ઘરે બાથટબમાં જન્મ આપ્યો. યુવતીની માતાએ જણાવ્યું કે પહેલા તેણે મિત્ર દ્વારા કોઈ બાળકને દત્તક લેવાનો પ્લાન ઘડ્યો હતો પરંતુ બાદમાં તેની હત્યા કરી દીધી હતી.
નોંધપાત્ર વાત એ છે કે, આરોપી પિતાએ અનેક વખત પોતાનું નિવેદન બદલ્યું છે. કોર્ટે આરોપી પિતાની જામીન અરજી નામંજૂર કરી હતી. તેની આગળની કાર્યવાહી શરુ રહેશે.
