ભારતીય સેનાને 25 સ્વદેશી ‘એએલએચ-માર્ક-3’ હેલિકોપ્ટર મળશે. એચએએલ પાસેથી 3850 કરોડમાં ખરીદવામાં આવશે. સંરક્ષણ મંત્રી રાજનાથ સિંહના નેતૃત્વમાં સંરક્ષણ સંપાદન પરિષદે મંજૂરી આપી. સંરક્ષણ મંત્રાલયે બુધવારે 13,165 કરોડ રૂપિયાની કિંમતના 25 સ્વદેશી વિકસિત આધુનિક લાઇટ (એએલએચ) માર્ક -3 હેલિકોપ્ટર સહિત લશ્કરી પ્લેટફોર્મ અને સાધનોની ખરીદીને મંજૂરી આપી છે.
સંરક્ષણ મંત્રાલયે જણાવ્યું હતું કે, “હેલિકોપ્ટર ખરીદવાનો ખર્ચ 3,850 કરોડ રૂપિયા અંદાજવામાં આવ્યો છે, જ્યારે રોકેટ દારૂગોળોનો જથ્થો 4,962 કરોડ રૂપિયામાં ખરીદવામાં આવશે.” સંરક્ષણ પ્રધાન રાજનાથ સિંહની અધ્યક્ષતામાં સંરક્ષણ સંપાદન પરિષદ (ડીએસી) બેઠકમાં ખરીદીની દરખાસ્તો મંજૂર કરવામાં આવી હતી. કુલ ખરીદીમાંથી રૂ. 11,486 કરોડના સાધનો અને પ્લેટફોર્મ ઘરેલુ એકમો પાસેથી ખરીદવામાં આવશે.
The Defence Acquisition Council (DAC) under the chairmanship of Rasksha Mantri Shri @rajnathsingh today accorded AoN to capital acquisition proposals of Army, Navy and Air Force valuing Rs 13,165 cr, of which 87 percent will be Made in India.
— रक्षा मंत्री कार्यालय/ RMO India (@DefenceMinIndia) September 29, 2021
સંરક્ષણ મંત્રાલયે એક નિવેદનમાં જણાવ્યું હતું કે, “ડીએસી એ ભારતીય સશસ્ત્ર દળોના ઓપરેશનલ જરૂરિયાતો અને આધુનિકીકરણ માટે અંદાજે 13,165 કરોડ રૂપિયાની મૂડી પ્રાપ્તિ દરખાસ્તોને ‘ફરજિયાત મંજૂરી’ આપી છે. કુલ મંજૂર થયેલી રકમમાંથી રૂ. 11,486 કરોડ (87 ટકા) સ્થાનિક સ્ત્રોતોમાંથી ખરીદવાના છે.