દ્વારકા/ બાળકીને સાવકી માતાએ આપી એવી સજા કે હોસ્પિટલમાં કરવી પડી દાખલ

 દેવભૂમિ દ્વારકાથી એક ચોંકાવનારી ઘટના સામે આવી છે. અહીં એક સાવકી માતાએ નાની માસૂમ બાળકીને માર માર્યો હોવાનો વીડિયો સામે આવ્યો છે. આ વીડિયો સામે આવતા સમગ્ર પંથકમાં ચકચાર મચી જવા પામી છે. આપને જણાવી દઈએ કે બાળકીને માર મારવાનો વીડિયો દાદીએ કુટુંબના વ્યક્તિને બતાવવા બનાવ્યો હોવાનું પણ સામે આવ્યું છે. જાણવા મળ્યું છે કે, બાળકીને સારવાર માટે હોસ્પિટલમાં ખસેડવામાં આવી છે.

આ પણ વાંચો :ગાંધીનગર મનપાની ચૂંટણી બની તોફાની, આ બૂથ પર થઇ તોડફોડ

જામખંભાળીયામાં સાવકી માતાએ બાળકીને માર મારી રહી હોવાનો વિડીયો સામે આવ્યો હતો. બાળકીની કોઈ ભૂલ ન હોવા છતાં તેની સાવકી માતાએ નિર્દયતાથી તેને માર માર્યો હતો. સમગ્ર ઘટના કુટુંબના વ્યક્તિએ જ મોબાઈલ કેમેરામાં વીડિયો બનાવ્યો હતો. જોકે બાળકીની દાદીએ જ કુટુંબના અન્ય વ્યક્તિને આ કરતુત બતાવવા માટે વીડિયો બનાવ્યા હોવાનું સામે આવ્યું હતું.

બાળકીને ઈજા પહોચી હોવાથી તેને સારવાર માટે હોસ્પિટલ ખસેડવામાં આવી હતી. સમગ્ર ઘટનાને લઈને પોલીસ મથકે અરજી પણ થઇ હતી. જોકે બાળકીની દાદીએ ફરિયાદ ન કરતા ઘર મેળે જ સમાધાન થઇ ગયું હતું.

આ પણ વાંચો :રાજયમાં છેલ્લાં 24 કલાકમાં નવા કોરોના કેસ 27 નોંધાયા

જાણવા મળ્યું છે કે, આ ઘટનાને લઈ પોલીસ મથકે અરજી પણ કરવામાં આવી હતી. જોકે, પરિવારમાંથી કોઇએ ફરિયાદના કરતા ઘરે જ સમાધાન કરી લીધુ હોવાનું સામે આવ્યું છે. સમાધાન તો પરિવારના લોકોએ જ કર્યું છે. પરંતુ આ બાળકીનો શું વાંક હતો કે તેને આટલું દુખ સહન કરવુ પડ્યું હતું જેને લઈ અનેક સવાલો ઉઠી રહ્યા છે. હવે આગામી સમયમાં જોવાનું રહ્યું કે, કોઈ સંસ્થા સામે આવીને ફરિયાદ કરે છે કે પછી આવી ઘટનાઓ વારંવાર બનતી જ રહેશે.

આ મામલે દાદીરમાબેન પ્રતાપભાઈ ભોગાયતા બાળકીના દાદીએ જણાવ્યું હતું કે, છોકરીની નવી મમ્મીએ માર માર્યો છે, જેથી વીડિયો ઉતાર્યો છે અને મે જ આ વીડિયો ઉતાર્યો છે. કારણ કે આ ઘટના હું પરિવારને બતાવવા માંગતી હતી. બાળકીને માર મારવામાં આવતા અમે તેને દવાખાને લઈ ગયા હતા. તે દરમિયાન પોલીસે કહ્યું કે, અરજી કરો જેથી અમે પોલીસ સ્ટેશનમાં અરજી કરી હતી. જોકે, બાદમાં સમાધાન થઈ જતા હવે અમારે આગળ વધારવી નથી અને ફરિયાદ કરવી નથી.

આ પણ વાંચો : અમદાવાદના આ વિસ્તારમાં ખુલ્લી ગટરમાં પડવાથી 5 વર્ષની બાળકીનું મોત

તેમજ તેઓએ વધુમાં જણાવ્યું કે, આ વીડિયો મે બનાવ્યો ત્યારબાદ ઘરે નાના બાળકે કોઈ બટન દબાવી દીધું હોવાથી વીડિયો વાયરલ થઈ ગયો હતો. અમે આ વીડિયો વાયરલ કર્યો નથી. વીડિયો મે ખાલી મારા પરિવારને બતાવવા માટે ઉતાર્યો હતો. અમે આગળ કોઈ કાર્યવાહી કરી નથી. અમે ઘર મેરે સમાધાન કરી લીધું છે.

આ પણ વાંચો :સુરતમાં પિતાના બર્થ ડે પર દીકરાએ આપી ચંદ્ર પર એક એકર જમીનના ટૂકડાની ભેટ