લગ્ન (Marriage ) એ જીવનનો સૌથી મોટો અને મહત્વપૂર્ણ વળાંક છે. આ એક એવો નિર્ણય છે જે વ્યક્તિના આખા જીવનની દિશા બદલી નાખે છે. આજકાલ લોકો ઘણીવાર માત્ર બાહ્ય દેખાવ, આકર્ષણ કે ક્ષણિક લાગણીઓના વહેણમાં આવીને પાર્ટનર પસંદ કરી લે છે, જે પાછળથી પસ્તાવાનું કારણ બને છે. મહાન અર્થશાસ્ત્રી અને નીતિશાસ્ત્રના જાણકાર આચાર્ય ચાણક્યએ સુખી દામ્પત્ય જીવન માટે કેટલાક સુવર્ણ નિયમો આપ્યા છે. ચાણક્યના મતે, સફળ લગ્ન (Married)જીવનનો પાયો સુંદરતા પર નહીં, પરંતુ સંસ્કાર અને વ્યવહાર પર ટકેલો છે.

બાહ્ય સુંદરતાને બદલે આંતરિક ગુણોને પ્રાધાન્ય આપો

ચાણક્ય નીતિ (ChanakyaNiti) કહે છે કે માત્ર ચહેરાની સુંદરતા જોઈને આકર્ષિત થઈ જવું એ મૂર્ખામી છે. સમય સાથે શારીરિક સુંદરતા ઓછી થઈ જાય છે, પરંતુ વ્યક્તિના સંસ્કાર અને ગુણો આજીવન ટકી રહે છે. જે વ્યક્તિ મનથી સુંદર છે, જેના વિચારો ઉમદા છે અને જે વડીલો પ્રત્યે આદર રાખે છે, તે જ સાચો જીવનસાથી (LifePartner )બની શકે છે. મુશ્કેલ સમયમાં રૂપ કામ નથી આવતું, પણ સાથીદારની સમજદારી જ પરિવારને સંકટમાંથી બહાર કાઢે છે.

ક્રોધી અને કડવી વાણી બોલતા લોકોથી દૂર રહો

વાણીમાં મધુરતા હોવી એ સુખી સંસારની પ્રથમ શરત છે. આચાર્ય ચાણક્ય અનુસાર, જે વ્યક્તિ નાની-નાની વાતોમાં ગુસ્સે થઈ જાય છે અથવા અપશબ્દો બોલે છે, તેની સાથે આખું જીવન વિતાવવું નરક સમાન બની જાય છે. વધુ પડતો ગુસ્સો માણસની વિચારવાની શક્તિ છીનવી લે છે. તેથી, લગ્ન કરતા પહેલા એ ચોક્કસ જુઓ કે સામેવાળી વ્યક્તિમાં ધીરજ અને શાંતિથી વાત સાંભળવાની ક્ષમતા છે કે નહીં.

સંબંધોમાં પૈસા અને લોભને સ્થાન ન હોવું જોઈએ 

જો કોઈ વ્યક્તિ તમને અથવા તમારા પરિવારને પ્રેમ કરવાને બદલે તમારી સંપત્તિ, હોદ્દો કે આર્થિક ફાયદાને વધુ મહત્વ આપે છે, તો તેનાથી અંતર જાળવી રાખવું હિતાવહ છે. લોભી સ્વભાવની વ્યક્તિ ક્યારેય વફાદાર નથી રહી શકતી. જ્યારે જીવનમાં આર્થિક કટોકટી આવે, ત્યારે આવી વ્યક્તિ સાથ છોડી દે છે. સાચો જીવનસાથી એ છે જે અમીરી અને ગરીબી, બંને પરિસ્થિતિમાં તમારી સાથે ખભેથી ખભો મિલાવીને ઊભો રહે.

ચરિત્ર અને પ્રમાણિકતાની કસોટી સૌથી જરૂરી

વ્યક્તિનું ચરિત્ર એ જ તેનું અસલી ઘરેણું છે. જે માણસ જૂઠું બોલવામાં માહિર હોય, છેતરપિંડી કરતો હોય કે ખરાબ વ્યસનોથી ઘેરાયેલો હોય, તે ક્યારેય એક સારો લાઈફ પાર્ટનર ન બની શકે. લગ્ન જેવા પવિત્ર સંબંધમાં વિશ્વાસ હોવો ખૂબ જરૂરી છે અને વિશ્વાસ હંમેશા સાફ ચરિત્રવાળી વ્યક્તિ પર જ કરી શકાય. તેથી, ઉતાવળ કરવાને બદલે વ્યક્તિની પૃષ્ઠભૂમિ અને તેના સંસ્કારોને સારી રીતે જાણી લો.

આ પણ વાંચો:શ્રીકૃષ્ણે દુર્યોધનનું ભોજન કેમ ઠુકરાવ્યું? મહાભારતનો આ પ્રસંગ તમારી વિચારવાની રીત બદલી નાખશે!

આ પણ વાંચો:આજે નિર્જળા એકાદશીએ ગ્રહોની મોટી હલચલ; તુલા થી મીન રાશિના જાતકોનું ચમકશે ભાગ્ય

આ પણ વાંચો:નિર્જળા એકાદશીએ તુલસી પૂજામાં કરો આ 5 કામ; ભૂલથી પણ જળ ન ચડાવતા, જાણો નિયમો