Weather Forecast News : રાજ્યમાં હવામાન સતત બદલાતું જોવા મળી રહ્યું છે. રાજ્યના તાપમાનમાં પણ સતત વધઘટ થઈ રહી છે. લોકો સવારે, સાંજે ઠંડી અને બપોરે ગરમી અનુભવી રહ્યા છે. હવે રાજ્યમાંથી ધીમે ધીમે ઠંડી દૂર થવાના એંધાણ છે અને ગરમી મંડરાઈ રહી છે. આ દરમિયાન હવામાન વિભાગે જણાવ્યું છે કે આગામી 6 દિવસ સુધી ગુજરાતમાં હવામાન શુષ્ક રહેશે.

હવામાન વિભાગના અમદાવાદ કેન્દ્રના વૈજ્ઞાનિક પ્રદીપ શર્માએ જણાવ્યું હતું કે આગામી 6 દિવસ સુધી ગુજરાતમાં હવામાન શુષ્ક રહેશે. આગામી 4 દિવસમાં તાપમાન ધીમે ધીમે વધશે, પરંતુ તાપમાનમાં કોઈ મોટો ફેરફાર થવાની શક્યતા નથી. હવે હવામાન બદલાઈ રહ્યું છે, જેમાં થોડી ગરમી વધી રહી છે. હાલમાં રાજ્યમાં તાપમાન ધીમે ધીમે વધી રહ્યું છે. જો પૂર્વ તરફથી પવન ફૂંકાશે, તો દક્ષિણમાં તે થોડી ગરમી થવા લાગશે

હવામાન વિભાગ દ્વારા આપવામાં આવેલી માહિતી અનુસાર, ગુજરાતમાં ગઈકાલે સૌથી ઓછું તાપમાન નલિયામાં 12 ડિગ્રી નોંધાયું હતું. આ સાથે ગાંધીનગરમાં 12.5 ડિગ્રી, ડીસામાં 13.4 ડિગ્રી, અમદાવાદમાં 14 ડિગ્રી, રાજકોટ અને વડોદરામાં 15.8 ડિગ્રી અને સુરતમાં 18 ડિગ્રી તાપમાન નોંધાયું હતું. તેમના મતે, અમદાવાદમાં લઘુત્તમ તાપમાન 14.0 ડિગ્રી અને મહત્તમ તાપમાન 33.4 ડિગ્રી નોંધાયું હતું. રાજ્યમાં પવન ઉત્તર-પશ્ચિમથી ઉત્તર તરફ ફૂંકાઈ રહ્યા છે. પવનની દિશા બદલાતા લોકોને બેવડી મુશ્કેલીનો સામનો કરવો પડી રહ્યો છે.

વધુમા, તે જ સમયે ગુજરાતથી પ્રયાગરાજ જતા લોકો માટે ઉત્તર પ્રદેશના હવામાનની આગાહી જાણવી જરૂરી છે. ઉત્તર પ્રદેશમાં હવામાન ફરી એકવાર બદલાવાનું છે. હવામાન વિભાગના જણાવ્યા મુજબ આગામી 24 થી 48 કલાકમાં તાપમાનમાં 2 થી 3 ડિગ્રીનો ઘટાડો થવાની શક્યતા છે. આ પછી, તેમાં ફરી વધારો થવાની ધારણા છે.

આ પણ વાંચો: હવામાન ખુશનુમા રહેશે, આ 4 રાજ્યોમાં વરસાદની ચેતવણી, જાણો IMD તરફથી નવીનતમ અપડેટ

આ પણ વાંચો: આ 7 રાજ્યોમાં વરસાદની ચેતવણી, ઉત્તર ભારતમાં ઠંડી, દેશનું હવામાન અપડેટ્સ જાણો

આ પણ વાંચો: રાજ્યમાં આગામી 7 દિવસ વાતાવરણ સૂકું રહેશે, હવામાન વિભાગની આગાહી