ઔરંગાબાદ સોહદાની એક મહિલાએ સદર હોસ્પિટલમાં એક વિચિત્ર બાળકને જન્મ આપ્યો છે. બાળકનું આખું શરીર પ્લાસ્ટિકમાં લપેટાયેલું છે. મેડિકલ સાયન્સ અનુસાર, તે એક કોલેડિયન બેબી છે, જે વિશ્વમાં જન્મેલા 11 લાખ બાળકોમાંથી એક છે. મળી રહેલી માહિતી અનુસાર, તેની હેલ્થ હાલમાં યોગ્ય છે.
આ પણ વાંચો – Viral Video / ફ્લાઇટમાં માસ્ક ન પહેરવા પર મહિલાએ વૃદ્ધને મારી દીધો લાફો, અને પછી શું થયુ જુઓ…
આ અંગે હોસ્પિટલનાં ડોક્ટરે કહ્યું છે કે, આ એક કોલેડિયન બેબી છે જે વિશ્વમાં જન્મેલા 11 લાખ બાળકોમાંથી એક હોય છે. SNCUમાં સારવાર ચાલી રહી છે, આ બાળક હાલમાં સંપૂર્ણ સ્વસ્થ છે અને સામાન્ય બાળકની જેમ દરેક પ્રવૃત્તિ પણ કરી રહ્યો છે. પરંતુ ડોકટર્સનું કહેવું છે કે તે કેટલો સમય જીવિત રહેશે તે અંગે કંઈ કહી શકાય તેમ નથી. એસએનસીયુનાં ઈન્ચાર્જ મેડિકલ ઓફિસર ડૉ. દિનેશ દુબેએ કહ્યું છે કે પિતાનાં શુક્રાણુમાં અસાધારણતાનાં કારણે આવા બાળકનો જન્મ થાય છે. જો કે શુક્રાણુની આ ઉણપને સારવાર દ્વારા પણ દૂર કરી શકાય છે, પરંતુ તેની સારવાર મેડિકલ કોલેજ કે સંશોધન કેન્દ્રમાં જ થઈ શકે છે. આ અંગે હોસ્પિટલની નર્સે પણ કહ્યું છે કે બાળક એકદમ સ્વસ્થ લાગે છે પરંતુ તેના આખા શરીર પર પ્લાસ્ટિક જેવું કંઈક લપેટાયેલું છે.
આ પણ વાંચો – IND vs SA / દક્ષિણ આફ્રિકાને પહેલી ટેસ્ટમાં હાર આપ્યા બાદ પણ ટીમ ઈન્ડિયા WTC પોઇન્ટ ટેબલમાં ચોથા સ્થાને યથાવત
જ્યાં જાણવા મળ્યું છે કે પંજાબનાં અમૃતસરમાં પણ ઘણા કોલેડિયન બાળકોનો જન્મ થયો છે. છેલ્લા 7 વર્ષમાં આવા 3 બાળકોનો જન્મ થયો છે. બેએ જીવ ગુમાવ્યા છે, જ્યારે ત્રીજાની સારવાર ચાલુ છે. આવી સ્થિતિમાં ઔરંગાબાદનાં સોહદામાં રહેતો આ બાળક પણ સ્વસ્થ થઈને સામાન્ય જીવન જીવી શકશે તેવી આશા ડોક્ટર્સ વ્યક્ત કરી રહ્યા છે.