બિહારની રાજધાની પટણાથી એક વિચિત્ર કિસ્સો સામે આવ્યો છે. ખરેખર, પટણાની એક મહિલા, જેને કોરોના વાયરસથી ચેપ લાગ્યો હતો, તે મૃતકની યાદીમાં સામેલ હતી, પરંતુ તે ખરેખર જીવંત હતી. તમને જણાવી દઇએ કે, દિલ્હીમાં રહેતી એક મહિલા તેના પિતાના ઘરે આવી હતી. આ દરમિયાન આ મહિલાને કોરોના વાયરસનો ચેપ લાગ્યો હતો અને તેના પરિવારના સભ્યોએ તેને પટણા એઇમ્સમાં દાખલ કરી હતી.
હકીકતમાં સારવાર બાદ મહિલા સાજી થઈ ગઇ અને તે દિલ્હી પરત ફરી, પરંતુ તે દરમિયાન પટણાની રાજ્ય આરોગ્ય સમિતિમાં કોરોના ચેપથી મૃત્યુ પામેલા લોકોની યાદી મોકલવામાં આવી, મૃતકોની યાદીમાં મહિલાનું નામ નોંધાયું છે. એટલું જ નહીં, મહિલાને 4 લાખ રૂપિયાનું વળતર આપવાની પ્રક્રિયા શરૂ કરાઈ હતી.
આ રાજ્યમાં ઉગાડવામાં આવી રહ્યું છે દુનિયાનું સૌથી મોંઘુ શાકભાજી, કિંમત સાંભળીને ઉડી જશે હોંશ
આ રીતે ખબર પડી મહિલા જીવતી છે
મહિલાને 4 લાખનું વળતર આપવા માટે જ્યારે પટણા જિલ્લા વહીવટીતંત્રના ડિઝાસ્ટર મેનેજમેન્ટ વિભાગે ચકાસણીના હેતુથી મહિલાના રજિસ્ટર્ડ મોબાઈલ નંબર પર માહિતી મેળવી હતી, ત્યારે સત્ય ખુલ્યુ હતું, ખરેખર મહિલા જીવંત હતી. આ માહિતી મળતાની સાથે જ ગભરાટ ફેલાઇ ગયો હતો. પરિવારોને ખબર પડી કે મહિલાનું નામ મૃતકોની યાદીમાં સમાવેશ છે, ત્યારબાદ તેઓએ પટણા જિલ્લા વહીવટી તંત્રના ઉચ્ચ અધિકારીઓને મહિલા જીવિંત હોવાની માહિતી આપી હતી.
આ સમગ્ર મામલે મહિલાએ વિનંતી કરી હતી કે તેનું નામ મૃતકોની યાદીથી અલગ કરવામાં આવે. પટણા જિલ્લા વહીવટીતંત્રના ડિઝાસ્ટર મેનેજમેંટ વિભાગે મૃતકોની યાદીની ચકાસણી શરૂ કરી છે, જેથી આગળ આવી કોઈ ભૂલ ન થાય.