દુકાનમાં ગ્રાહક બનીને આવેલી ચાર મહિલાઓએ જ્વેલર્સની દુકાનમાં એવી રીતે કરી ચોરી કે નજર ચુકવીને સાત લાખ રૂપિયાના દાગીનાની ચોરી કરી લીધી હતી. આ ઘટના સરાફા બજારની ટોપી માર્કેટમાં મૃગનાયની જ્વેલર્સમાં બની હતી. સીસીટીવી ફૂટેજ તપાસ્યા બાદ આ ઘટના સામે આવી હતી. આ મામલે કોતવાલી પોલીસ મથકે ચોરીનો ગુનો નોંધ્યો છે.
લાલાના બજારમાં રહેતા ભૂપેન્દ્રકુમાર સુખીજા વેપારી છે. તે જ્વેલર્સની દુકાનમાં બેઠો હતો ત્યારે બપોરના 1.45 વાગ્યે ચાર મહિલાઓ દુકાનમાં પ્રવેશ કરે છે. તેની સાથે એક બાળક પણ હતું. તે જ સમયે એક મહિલા દુકાનની બહાર ઉભી હતી.
મહિલાઓએ સોનાનો પેન્ડલ બતાવવા કહ્યું
મહિલાએ કહ્યું કે હવે સોનાના ભાવ નીચે આવી ગયા છે, તેથી તે પેડન્લ ખરીદવા આવી છે. વેપારીએ પેન્ડલ બતાવવાનું શરૂ કર્યું. બંને મહિલા પેન્ડલ જોતા જોતા વેપારીને વાતમાં એટલો ફસાવી દીધો કે અન્ય બે મહિલાઓ તરફ ધ્યાન આપ્યું નહીં. ત્યારબાદ એક મહિલાએ સોનાના ટોપ્સથી ભરેલું બોક્સ ચોરી કરી લીધુ બાદમાં તેને તેની શાલમાં છુપાવી દીધુ અને બાળકને ખોળામાં લઇને બહાર ચાલી ગઈ. તેની સાથે આવેલી અન્ય મહિલાઓ પણ પાછળથી આવવાનું કહીને ત્યાંથી નીકળી ગઈ. તે લગભગ 15 મિનિટ સુધી દુકાનમાં રહી.
સીસીટીવી ફૂટેજ બહાર આવ્યા
મહિલાઓ ગયા પછી વેપારી પણ કામમાં લાગી ગયા. લગભગ 4.30 વાગ્યે વેપારીએ જોયું કે કાઉન્ટરની નીચે રાખેલા સોનાના ટોપનો બોક્સ દેખાતો નથી. તાત્કાલિક તપાસ શરૂ કરી. બાદમાં દુકાનમાં રહેલા સીસીટીવી જોવામાં આવ્યા જેમા એક મહિલા બોક્સ ઉપાડતી જોવા મળી હતી. બાદમાં પોલીસને જાણ કરવામાં આવી હતી. પોલીસે ઘટના સ્થળે પહોંચી તપાસ હાથ ધરી છે. ફૂટેજના આધારે કેસ નોંધવામાં આવ્યો છે.
ચોરી કરવા આવેલી મહિલાઓની ઉંમર 35 થી 40 વર્ષની વચ્ચે હતી. તે તમામ મહિલાઓની શૉલ અને ડ્રેસ એક સરખા દેખાતા હતા. પોલીસ આ આધારે પૂછપરછ કરી રહી છે.
