19 વર્ષીય મોડેલ યેલ શેલબિયા ટીસી કેન્ડલરની 100 સૌથી સુંદર ચહેરાઓની વાર્ષિક યાદીમાં ટોપ પર છે. ઇન્સ્ટાગ્રામ પર 1 મિલિયનથી વધુ ફોલોઅર્સ સાથે, યેલ તેની લાઇફસ્ટાઇલને કારણે પણ ચર્ચામાં છે. જો કે, તેની વૈભવી જીવનશૈલીને કારણે તેને ઓનલાઇન ઘણી હેટનો સામનો કરવો પડે છે.
યેલનો જન્મ એક નાના ઇઝરાઇલી શહેરમાં યહુદી પરિવારમાં થયો હતો. તેણે 16 વર્ષની ઉમરે મોડેલિંગ શરૂ કર્યુ હતુ. યેલની મોડેલિંગ કારકિર્દી દરમિયાન, એક સ્થાનિક ફોટોગ્રાફરે તેના ઇન્સ્ટાગ્રામ ફોટા જોયા અને પછી તેને ફોટો શૂટમાં ભાગ લેવાનું કહ્યું. યેલ ઇઝરાઇલી એરફોર્સ સાથે લશ્કરી સેવા પણ કરી હતી.
યેલ હાલમાં 36 વર્ષીય અબજોપતિ બ્રાંડન કોરફને ડેટ કરી રહી છે. બ્રાંડન અમેરિકન અબજોપતિ ઉદ્યોગપતિ સુમર રેડસ્ટોનનો પૌત્ર છે. યેલે કિમ કાર્દાશીઅન અને કાઇલી જેનર જેવા સેલેબ્સના સ્કિન રેંજ પ્રોડક્ટ્સ માટે પણ મોડલિંગ કર્યું છે. તેણે સુપરસ્ટાર ફૂટબોલર લિયોનલ મેસ્સી સાથે પણ કામ કર્યું છે. કોરોના વાયરસથી યેલને પણ નુકસાન થયું છે. જો કે, તે કામ માટે ફરી એકવાર યુએસ અને યુરોપની મુસાફરી કરવા માંગે છે.
સન વેબસાઇટ સાથે વાત કરતાં યેલે કહ્યું કે તેના દેખાવ માટે પણ તેને ટ્રોલ થવું પડ્યુ છે. તેણે કહ્યું કે મને લોકોનો ઘણો ટેકો અને પ્રેમ મળે છે, પરંતુ આ સિવાય મને ઘણા મેસેજ મળે છે જે ખૂબ જ દ્વેષપૂર્ણ હોય છે. જો કે હું આ મસેજ પર વધારે ધ્યાન આપતી નથી.
યેલે કહ્યું કે તેણીને આશ્ચર્ય થયું જ્યારે તે જાણતી હતી કે તે આ ખિતાબ જીતવામાં સફળ રહી છે કારણ કે તે જાણતી ન હતી કે તે આ વર્ષે સ્પર્ધામાં પણ ભાગ લીધો હતો.
