સરકારે બુધવારે કહ્યું કે આંતરરાષ્ટ્રીય ક્રેડિટ કાર્ડ દ્વારા વિદેશમાં ખર્ચ કરવો લિબરલાઈઝ્ડ રેમિટન્સ સ્કીમ (LRS) હેઠળ આવશે નહીં અને તેથી સ્ત્રોત પર કર કપાતને આકર્ષશે નહીં. ઉપરાંત, LRS હેઠળ પ્રવાસ ખર્ચ સહિત વિદેશમાં ભારતમાંથી મોકલવામાં આવતા 20 ટકાના ઊંચા દરે ટેક્સ ડિડક્ટેડ એટ સોર્સ (TCS)ના અમલીકરણને ત્રણ મહિના સુધી સ્થગિત કરવાનો નિર્ણય લેવામાં આવ્યો છે. હવે 1 ઓક્ટોબરથી અમલમાં આવશે. જો કે, 1 ઓક્ટોબરથી, વિદેશમાં ક્રેડિટ કાર્ડના ખર્ચ પર TCS લાગુ થશે નહીં.
ઊંચા દરે TSS ત્યારે જ લાગુ થશે જો લિબરલાઈઝ્ડ રેમિટન્સ સ્કીમ હેઠળની ચુકવણી રૂ. 7 લાખની મર્યાદાથી વધુ હોય. ફાયનાન્સ બિલ 2023માં, લિબરલાઈઝ્ડ રેમિટન્સ સ્કીમ હેઠળ, સરકારે શિક્ષણ અને મેડિકલ સિવાય અન્ય કોઈપણ દેશમાં ભારતથી નાણાં મોકલવા તેમજ વિદેશ પ્રવાસ પેકેજ ખરીદવા પર TCS પાંચ ટકાથી વધારીને 20 ટકા કર્યો હતો. ઉપરાંત, LRS હેઠળ TCS વસૂલવા માટેની રૂ. 7 લાખની મર્યાદા દૂર કરવામાં આવી હતી. આ સુધારા 1 જુલાઈ, 2023થી અમલમાં આવવાના હતા.
નાણા મંત્રાલયે જણાવ્યું હતું કે, “વિવિધ પક્ષોની ટિપ્પણીઓ અને સૂચનો પ્રાપ્ત કર્યા પછી, યોગ્ય ફેરફારો કરવાનો નિર્ણય લેવામાં આવ્યો છે.” સૌપ્રથમ, એવું નક્કી કરવામાં આવ્યું છે કે LRS હેઠળ તમામ હેતુઓ માટે અને વિદેશી પ્રવાસના પ્રવાસ પેકેજો માટે પ્રતિ વ્યક્તિ વાર્ષિક સાત લાખ રૂપિયા સુધીની રકમના TCSના દરમાં કોઈ ફેરફાર કરવામાં આવશે નહીં. ભલે પછી ચુકવણી કોઈપણ મોડમાં કરવામાં આવી હોય.
મંત્રાલયે જણાવ્યું હતું કે, “સંશોધિત TCS દરોના અમલીકરણ અને LRSમાં ક્રેડિટ કાર્ડની ચૂકવણીનો સમાવેશ કરવા માટે વધુ સમય આપવાનો પણ નિર્ણય લેવામાં આવ્યો છે.” TCS વાર્ષિક ખર્ચ પર પાંચ ટકાના દરે વસૂલવામાં આવશે. જો ખર્ચ આ મર્યાદા કરતાં વધી જાય તો જ 20 ટકાનો દર લાગુ થશે.
આ પણ વાંચો:સોનાના દાગીનાની આપ-લે કરતા પહેલા જાણી લો આ મહત્વની વાત, તમને નહીં થાય નુકસાન
આ પણ વાંચો:શેરબજારમાં વિક્રમજનક તેજીઃ સેન્સેક્સ 64000ને અને નિફ્ટી 19000ને પાર
આ પણ વાંચો: Google ફરી કરવા જઈ રહ્યું છે છટણી, તાજેતરમાં 12 હજાર કર્મચારીઓને કર્યા હતા બહાર
