Googleએ તેની વેઝ મેપિંગ સેવામાં નોકરીઓમાં કાપ મૂકવાનું શરૂ કર્યું છે. તેની અસર ભારતમાં પણ જોવા મળશે. એક મીડિયા રિપોર્ટ અનુસાર, કંપની બુધવારે આ ફેરફાર વિશે જાહેરાતકર્તાઓ અને ભાગીદારોને જાણ કરવા માગે છે. ઇમેઇલમાં નોકરીમાં કાપની ચોક્કસ સંખ્યા વિશે વધુ વિગતો જાહેર કરવામાં આવી નથી. રિપોર્ટમાં દાવો કરવામાં આવ્યો છે કે વેઝ યુનિટમાં હાલમાં 500થી વધુ કર્મચારીઓ છે. આપને જણાવી દઈએ કે ગૂગલે 2013માં લગભગ 1.3 બિલિયન ડોલરમાં વેઝને હસ્તગત કરી હતી.
Google પાસે જરૂરત કરતા વધુ સ્ટાફ અને પગાર છે
વૈશ્વિક મંદીની આશંકા વચ્ચે હવે વિશ્વભરની IT કંપનીઓમાં રિસ્ટ્રક્ચરિંગની માંગ વધી રહી છે. બ્રિટિશ અખબાર ગાર્ડિયનના અહેવાલ મુજબ, અબજોપતિ ઉદ્યોગપતિ સર ક્રિસ્ટોફર હોનના હેજ ફંડ, જે ગૂગલની પેરેન્ટ કંપની આલ્ફાબેટના રોકાણકારોમાંના એક છે, તેણે કંપનીને પત્ર લખીને આરોપ લગાવ્યો છે કે ગૂગલ અને યુટ્યુબના કર્મચારીઓને વધારે પગાર આપવામાં આવે છે અને તેના કર્મચારીઓમાં કાપ મૂકવો જોઈએ.
IT ઉદ્યોગમાં છટણીનું તોફાન
- Meta – 11k (13%)
- Twitter – 3.7k (50%)
- Intel – 20%
- Snap – 20%
- Netflix – 450
- Robinhood – 30%
- Stripe, Lyft – 13%
- Salesforce – 2k
- Amazon – 10k
ધીમી વૈશ્વિક અર્થવ્યવસ્થા અને જાહેરાત જેવા આવકના પ્રવાહોના દબાણને અનુભવતા સિલિકોન વેલીની કંપનીઓમાં છટણી સાથે ખર્ચમાં ઘટાડો શરૂ થયો છે. તાજેતરમાં, વિશ્વની સૌથી મોટી બેંકોમાંની એક, UBS ગ્રુપ, જેણે ક્રેડિટ સુઈસને હસ્તગત કરી હતી, તેણે પણ અહીંથી 35,000 લોકોને નીકળવાનું કહ્યું છે.
આ પણ વાંચો:ભોજનમાંથી ગાયબ થયો ટામેટાનો સ્વાદ, જાણો ક્યારે ઘટશે ભાવ
આ પણ વાંચો:રોકાણકારો માટે મંગળમય મંગળવારઃ સેન્સેક્સ 446 પોઇન્ટ ઉચકાયો
આ પણ વાંચો:હિંડનબર્ગના ભ્રામક અહેવાલ છતાં કંપનીનો વ્યવસાય પહેલા કરતા વધુ મજબૂતઃ ગૌતમ અદાણી
આ પણ વાંચો:Airtel કંપનીના CEO અજય ચિત્કારાએ આપ્યું રાજીનામું, 23 વર્ષ સુધી નિભાવી ફરજ
