Jadeja tweeted Video: ગુજરાતમાં વિધાનસભા ચૂંટણીના પ્રથમ તબક્કાના મતદાન પહેલા ક્રિકેટર રવિન્દ્ર જાડેજાએ ટ્વિટર પર બાળાસાહેબ ઠાકરેનો એક વીડિયો ટ્વીટ કર્યો છે, જેમાં શિવસેનાના સ્થાપકે કહ્યું હતું કે મોદી વિના ગુજરાત ચાલી શકશે નહીં. રવિન્દ્ર જાડેજાએ ટ્વીટમાં લખ્યું કે હજુ પણ સમય છે, ગુજરાતીઓએ સમજવું જોઈએ. પ્રખ્યાત ક્રિકેટર જાડેજાના પત્ની રીવાબા જાડેજા જામનગર ઉત્તર બેઠક પરથી ભાજપના ઉમેદવાર છે. રીવાબા 2019માં બીજેપીમાં જોડાયા હતા, ત્યારપછી રિવાબા પહેલીવાર ચૂંટણી લડી રહ્યા છે.
જાડેજાએ ટ્વિટર પર પોસ્ટ કરેલા એક વીડિયોમાં શિવસેનાના સંસ્થાપક બાળાસાહેબ ઠાકરે કહેતા જોવા મળી રહ્યા છે કે નરેન્દ્ર મોદી નહીં તો ગુજરાત કંઈ નથી. વીડિયો દ્વારા જાડેજા ગુજરાતની જનતાને એમ કહીને એલર્ટ કરવાનો પ્રયાસ કરી રહ્યા છે કે હજુ સમય છે, લોકોએ વાસ્તવિકતા સમજવી જોઈએ.
આ પણ વાંચો: Gst collection/નવેમ્બરનું જીએસટી કલેકશન 1.46 લાખ કરોડ, ગયા વર્ષ કરતાં 11 ટકા વધારે
