વિશ્વનાં સૌથી ધનિક ક્રિકેટર્સ કે જેમણે પોતાના દમ પર એક એવી સફળતા મેળવી છે જે આસાન નથી. જણાવી દઇએ કે, છેલ્લા દોઢ-બે દાયકાથી ક્રિકેટનાં ખેલાડીઓની કમાણીમાં જબરદસ્ત વધારો થયો છે. ખાસ કરીને IPL ની શરૂઆતથી. IPL ખેલાડીઓને તે પ્લેટફોર્મ પૂરું પાડે છે, જે ખેલાડીઓને આગળ વધવામાં ઘણી મદદ કરે છે. અહીં સારું પ્રદર્શન કરવાથી આંતરરાષ્ટ્રીય ટીમમાં પસંદગીના દ્વાર પણ ખુલી જાય છે. આ સાથે, ખેલાડીઓ પણ આ પ્લેટફોર્મથી ઘણા પૈસા મેળવે છે. આ સાથે, આવકનાં અન્ય ઘણા સ્રોત પણ બની જાય છે. આ લેખમાં અમે તમને વિશ્વનાં 5 સૌથી ધનિક ખેલાડીઓ વિશે જણાવવા જઈ રહ્યા છીએ. આમાં રસપ્રદ બાબત એ છે કે વિશ્વનાં સૌથી ધનિક ક્રિકેટરોમાં ટોચનાં 3 ભારતનાં ખેલાડી છે.
આ પણ વાંચો – નવી શરૂઆત / હવે Messi નો પેરિસ સેન્ટ-જર્મન સાથે બે વર્ષનો કરાર, દર વર્ષે $ 41 મિલિયન કમાશે
સચિન તેંડુલકર
ક્રિકેટનાં ભગવાન કહેવાતા સચિન તેંડુલકર વિશ્વનાં સૌથી ધનિક ક્રિકેટર છે. સચિને બે દાયકાથી વધુ સમયથી ભારત માટે ક્રિકેટ રમી છે. સચિનનાં નામે ક્રિકેટમાં ઘણા રેકોર્ડ છે જે કોઈપણ બેટ્સમેન માટે આગળ આવીને તોડવું એટલું સરળ રહેશે નહીં. મુંબઈનાં બેટ્સમેન સચિન તેંડુલકરે પોતાની ક્રિકેટ કારકિર્દીની શરૂઆત પાકિસ્તાન સામે કરી હતી. ધીરે ધીરે એક પછી એક રેકોર્ડ પોતાના નામે કરતો ગયો. સૌથી વધુ રન બનાવવાની સાથે સાથે તેણે સૌથી વધુ સદી ફટકારવાનો રેકોર્ડ પણ પોતાના નામે કર્યો છે. એક અહેવાલ અનુસાર, સચિન તેંડુલકર વિશ્વનો સૌથી ધનિક ક્રિકેટર છે. તેમની નેટવર્થ 870 કરોડ રૂપિયા છે.
મહેન્દ્ર સિંહ ધોની
આ પણ વાંચો – Cricket / રાશિદ ખાને અરાજકતા વચ્ચે દેશને ન છોડી દેવા વિશ્વનાં નેતાઓને કરી અપીલ
ભૂતપૂર્વ ભારતીય કેપ્ટન મહેન્દ્ર સિંહ ધોની, કેપ્ટન કૂલ તરીકે જાણીતા છે, ધોની વિશ્વ ક્રિકેટનાં શ્રેષ્ઠ કેપ્ટનોમાં એક ગણાય છે. તે ભારતનાં સૌથી સફળ કેપ્ટન છે. તેમના નેતૃત્વમાં ભારતીય ક્રિકેટ ટીમે ત્રણેય આઈસીસી ટૂર્નામેન્ટ જીતી હતી. લગભગ દોઢ દાયકાની ક્રિકેટ કારકિર્દીમાં ધોની મોટાભાગે કેપ્ટનિંગ કરતો જોવા મળ્યો હતો. ધોની એક સફળ કેપ્ટન હોવાની સાથે સાથે એક સારો ફિનિશર પણ રહ્યો છે. ઘણીવાર એવો સમયા આવ્યો હોય કે, ટીમે છેલ્લા બોલ પર જીત મેળવી છે. ધોનીએ વર્ષ 2020 માં વનડે અને ટી-20 આંતરરાષ્ટ્રીય ક્રિકેટમાંથી નિવૃત્તિ જાહેર કરી હતી. તેણે પહેલાથી જ ટેસ્ટ ક્રિકેટમાંથી નિવૃત્તિ લઈ લીધી હતી. એક અહેવાલ મુજબ મહેન્દ્ર સિંહ ધોનીની કુલ સંપત્તિ 840 કરોડ રૂપિયા છે.
વિરાટ કોહલી
વિરાટ કોહલીની ગણતરી વિશ્વનાં ત્રીજા સૌથી ધનિક ક્રિકેટરોમાં થાય છે. હાલમાં, તે ભારતીય ક્રિકેટનાં ત્રણેય ફોર્મેટનાં કેપ્ટન છે. કોહલીએ ટૂંકા સમયમાં ક્રિકેટમાં ઘણું નામ કમાવ્યું છે. આંતરરાષ્ટ્રીય ક્રિકેટમાં તેના નામે ઘણા રેકોર્ડ છે. માનવામાં આવે છે કે માત્ર કોહલી જ સચિનનો રેકોર્ડ તોડી શકે છે. એક રિપોર્ટ અનુસાર કોહલીની નેટવર્થ 600 કરોડ રૂપિયાથી વધુ છે. ક્રિકેટ ઉપરાંત, વિરાટ કોહલી ઘણી ટોચની બ્રાન્ડ્સનાં એડ્સ કરીને ઘણા પૈસા કમાય છે.
રિકી પોન્ટિંગ
આ પણ વાંચો – Cricket / કોહલીનાં લંડન પહોંચતા જ હોટલ સ્ટાફે આપી એવી Surprise, જોઇને ચોંકી ગયા ચીકુભાઇ
વિશ્વનાં મહાન કેપ્ટન ગણાતા રિકી પોન્ટિંગ આ યાદીમાં ચોથા સ્થાને છે, જ્યારે ઓસ્ટ્રેલિયાનાં સૌથી ધનિક ખેલાડી છે. પોન્ટિંગ એક સારા કેપ્ટન હોવાની સાથે સાથે વર્લ્ડ ક્લાસ બેટ્સમેન પણ હતો. તેના નામે ઘણા આંતરરાષ્ટ્રીય રેકોર્ડ પણ છે. એક અહેવાલ મુજબ, પોન્ટિંગ પાસે કુલ 500 કરોડ રૂપિયાથી વધુની સંપત્તિ છે. પોન્ટિંગ IPL સાથે પણ જોડાયેલો છે. ત્યાંથી પણ ઘણી કમાણી થાય છે.
બ્રાયન લારા
બ્રાયન લારાની ગણતરી વિશ્વનાં મહાન બેટ્સમેનોમાં થાય છે. તેમની આંતરરાષ્ટ્રીય ક્રિકેટ કારકિર્દી ખૂબ લાંબી હતી. તે 17 વર્ષથી વેસ્ટ ઈન્ડિઝ તરફથી રમતો હતો. તેની ફેન ફોલોઇંગ સમગ્ર દુનિયામાં છે. ક્રિકેટમાંથી નિવૃત્તિ બાદ હવે લારા કોમેન્ટ્રી બોક્સમાં જોવા મળે છે. જો આપણે બ્રાયન લારાની સંપત્તિની વાત કરીએ તો તેની કુલ સંપત્તિ 454 કરોડ રૂપિયા છે.
