પ્રખ્યાત અભિનેતા, મોડલ અને ફોટોગ્રાફર આદિત્ય સિંહ રાજપૂત ટીવી ઉદ્યોગનો જાણીતો ચહેરો હતો. અભિનેતા સોમવારે તેના અંધેરીના ઘરના બાથરૂમમાં મૃત હાલતમાં મળી આવ્યો હતો. તેઓ ઘણા વર્ષો સુધી ટીવી ઈન્ડસ્ટ્રી સાથે જોડાયેલા હતા અને ઘણા પ્રોજેક્ટ્સમાં કામ કર્યું હતું. 32 વર્ષના આદિત્યના અચાનક મૃત્યુના સમાચારે બધાને ચોંકાવી દીધા છે.
આદિત્યના અંતિમ સંસ્કાર આજે થશે
આ કેસની તપાસ કરી રહેલી પોલીસ પ્રાથમિક રીતે માને છે કે આદિત્ય સિંહ રાજપૂતનું મૃત્યુ કથિત રીતે તેના અંધેરી એપાર્ટમેન્ટમાં બાથરૂમમાં લપસીને પડી જવાથી થયું હતું.પોસ્ટમોર્ટમ કરવામાં આવશે અને અંતિમ સંસ્કાર આજે જ કરવામાં આવશે. અભિનેતાના નિધનથી ટીવી ઉદ્યોગને પણ આઘાત લાગ્યો છે. સોશિયલ મીડિયા પર આદિત્યના જવા પર તમામ સેલેબ્સ શોક વ્યક્ત કરી રહ્યા છે.
અશોક પંડિતે આદિત્યના નિધન પર શોક વ્યક્ત કરતા ટ્વિટ કર્યું
આદિત્યના નિધન પર શોક વ્યક્ત કરતા ફિલ્મ નિર્માતા અશોક પંડિતે ટ્વિટ કર્યું, “આ આઘાતજનક છે.” આ માની શકાય તેમ નથી. એક મસ્તીખોર , પ્રેમાળ વ્યક્તિ, ખૂબ જ સારો અભિનેતા આદિત્ય સિંહ રાજપૂત અંધેરી વિસ્તારમાં તેના એપાર્ટમેન્ટમાં મૃત હાલતમાં મળી આવ્યો હતો. મૃતદેહને પોસ્ટમોર્ટમ માટે મોકલી આપવામાં આવ્યો છે. મારી પાસે મારૂ દુખ અને પરિવાર પ્રત્યે સંવેદના વ્યક્ત કરવા માટે શબ્દો નથી.
It’s shocking .
Can’t believe this .
A fun loving guy , a very good actor Aditya Singh Rajput is found dead at his apartment in Andheri area. Body sent for post-mortem.
Have no words to express my sorrow and condolences to the family .
ओम शान्ति !
🙏 pic.twitter.com/A1Whw84NZQ— Ashoke Pandit (@ashokepandit) May 22, 2023
વરુણ સૂદે પણ આદિત્યના મૃત્યુ પર શોક વ્યક્ત કર્યો
સ્પ્લિટ્સવિલામાં જોવા મળેલા વરુણ સૂદે પણ આદિત્યના મૃત્યુ પર શોક વ્યક્ત કર્યો, ટ્વીટ કર્યું, “”હમણાં જ આદિત્ય સિંહ રાજપૂત વિશે સમાચાર સાંભળ્યા… તેને મને ખરેખર હચમચાવી દીધું છે. હું જાણું છું કે મારા MTVના દિવસો દરમિયાન હું અમુક સિવાય બીજા કોઈના સંપર્કમાં નથી રહ્યો… પરંતુ હું આશા રાખું છું કે દરેક સુરક્ષિત અને સ્વસ્થ રહે…”
Just heard the news about Aditya Singh Rajput..
It really shook me.
I know im not in touch with anyone from MTV days except a few..but i hope everyone is keeping safe and healthy…— Varun Sood (@VSood12) May 22, 2023
રૂપલ ત્યાગી આદિત્યના મૃત્યુથી આઘાતમાં છે
એક ઇન્ટરવ્યુંમાં વાતચીતમાં અભિનેત્રી રૂપલ ત્યાગીએ કહ્યું, “મારા માટે આ ચોંકાવનારા સમાચાર છે. હું હજી પણ લોકોને ફોન કરી રહી છું અને એ સમજવાનો પ્રયાસ કરી રહી છું કે સાચા સમાચાર શું છે. “આ સાચું છે કે ખોટું છે. , હું તેને તાજેતરમાં જ એક પાર્ટીમાં મળી હતી, અને હવે મને આ સાંભળવા મળી રહ્યું છે. ખરેખર લાઈફ અનપ્રિડીકટેબલ છે. મને હજુ પણ ખબર નથી કે તેની સાથે ખરેખર શું થયું હતું”
આદિત્યને સ્પ્લિટ્સવિલા 9 થી લોકપ્રિયતા મળી હતી.
તમને જણાવી દઈએ કે આદિત્ય સોશિયલ મીડિયા પર પણ ખૂબ જ એક્ટિવ હતો અને તે ચાહકો માટે નિયમિતપણે તેના જીવન સાથે જોડાયેલ દરેક અપડેટ અને તસવીરો અને વીડિયો શેર કરતો હતો. તેણે સ્પ્લિટ્સવિલા 9 માં ભાગ લીધા પછી લોકપ્રિયતા મેળવી. જોકે તે થોડા સમય માટે ટેલિવિઝન અને ફિલ્મોથી દૂર હતો.
કારકિર્દીની શરૂઆત 17 વર્ષની ઉંમરે મોડલિંગથી કરી હતી,
જ્યા દિવંગત અભિનેતાનો પરિવાર ઉત્તરાખંડનો હતો, આદિત્ય સિંહ રાજપૂતનો જન્મ દિલ્હીમાં થયો હતો. તેણે 17 વર્ષની ઉંમરે મોડલિંગથી પોતાના કરિયરની શરૂઆત કરી હતી. આદિત્ય એક્ટર બનવા માટે મુંબઈ આવ્યો હતો અને શરૂઆતના દિવસોમાં તેની માતા સાથે રહ્યો હતો. આ વર્ષો દરમિયાન, તેણે ઘણા કોલેજ શોમાં પરફોર્મ કર્યું અને ટીવી શો અને ફિલ્મોમાં દેખાય તે પહેલા ઘણી ટીવી જાહેરાતો પણ કરી.
આદિત્યએ ઘણા ટીવી શો અને ફિલ્મોમાં કામ કર્યું હતું.
આદિત્યએ ‘ક્રાંતિવીર’, ‘મૈંને ગાંધી કો નહીં મારા’, ‘યુ મી ઔર હમ’ અને બીજી ઘણી ફિલ્મોમાં કામ કર્યું હતું. અજય દેવગન-કાજોલની ફિલ્મ ‘યુ મી ઔર હમ’માં આદિત્ય અમન મેહરા તરીકે જોવા મળ્યો હતો. ફિલ્મો સિવાય તેણે ઘણા લોકપ્રિય ટીવી શો પણ કર્યા. આમાં આદિત્ય સીઆઈએ (કમ્બાલા ઈન્વેસ્ટિગેશન એજન્સીઝ)માં મહત્વની ભૂમિકામાં જોવા મળ્યો હતો. આદિત્યએ 2016 માં રિયાલિટી શો MTV સ્પ્લિટ્સવિલા 9 માં ભાગ લીધો હતો, જેમાં તેને ઘણી લોકપ્રિયતા મેળવી હતી. 26 સ્પર્ધકોમાંથી, સિઝનના વિજેતા ગુરમીત સિંહ રાહલ અને કાવ્યા ખુરાના હતા. ફિલ્મો અને ટીવી શો ઉપરાંત, આદિત્ય સિંહ રાજપૂતે કેટલાક મ્યુઝિક વીડિયોમાં પણ કામ કર્યું છે. 2010માં તે શ્વેતા કોઠારી સાથે ‘તુમસે મરના હૈ’માં જોવા મળી હતી.
ફિલ્મો અને ટેલિવિઝનમાં તેની કારકિર્દી ઉપરાંત, આદિત્યએ તાજેતરમાં ‘પોપ કલ્ચર’ બ્રાન્ડ સાથે તેની ઉદ્યોગસાહસિક યાત્રા પણ શરૂ કરી હતી. તે આ બ્રાન્ડ હેઠળ કાસ્ટિંગ ડિરેક્ટર તરીકે કામ કરીને પોતાની ઓળખ બનાવી રહ્યો હતો. તાજેતરના અહેવાલો મુજબ, તેની બ્રાન્ડ સારી કામગીરી કરી રહી હતી.