કરીના કપૂર ખાન વિશે આ વાત તો તમે જાણો છો કે બેબો તેની પ્રોફેશનલ લાઈફ કરતાં વધુ તેની પર્સનલ લાઈફના કારણે હેડલાઈન્સમાં રહે છે. કરીના ઘણીવાર પોતાના બાળકો સાથે વેકેશન પર જતી જોવા મળે છે. તેમજ કરીના હંમેશા તેના બે પુત્રો તૈમુર અને જહાંગીર અલી ખાનની તસવીરો સોશિયલ મીડિયા પર શેર કરતી રહે છે. જો કે, હવે કરીના કપૂર ખાન પાસે વધુ બાળકનું પ્લાનિંગ નથી. કારણ કે તૈમુર અને જેહ સિવાય સૈફ અલી ખાનને પણ બે બાળકો છે, સારા અલી ખાન અને ઈબ્રાહિમ અલી ખાન. ઉપરાંત, બેબો ખૂબ જ પ્રભાવિત છે કે સૈફ તેના ચાર બાળકોની ખાસ કાળજી રાખે છે અને હવે તે તેમને વધુ બાળકોના પિતા બનતા જોવા નથી માંગતી.
તાજેતરના એક ઇન્ટરવ્યુમાં આ વિશે વાત કરતા કરીના કપૂરે કહ્યું કે તેના પતિ સૈફ અલી ખાનને જીવનના દરેક દાયકામાં પિતા બનવાની ખુશી મળી છે. 20 થી લેન 50 સુધી સૈફ પિતા બની ગયો છે. પરંતુ હવે અભિનેત્રી કરીનાએ સૈફને 60 વર્ષની ઉંમરે આગામી બાળક ન થવાની ચેતવણી આપી છે.
આ વિશે વાત કરતાં કરીનાએ એક ફેશન મેગેઝીનને કહ્યું કે સૈફને દર દાયકામાં એક બાળક છે – 20, 30, 40 અને હવે તે 50ના દાયકામાં પણ છે. મેં તેને કહ્યું છે કે હવે તારા જીવનના 60ના દાયકામાં આવું કંઈ થવાનું નથી. મને લાગે છે કે સૈફ જેવો ખુલ્લા મનનો વ્યક્તિ જ તેના જીવનના વિવિધ તબક્કે 4 બાળકોનો પિતા બની શકે છે. તેણે પોતાના દરેક બાળકોને સમય આપ્યો છે. હવે જેહ સાથે પણ અમે સંતુલન જાળવવાનો પ્રયાસ કરી રહ્યા છીએ. અમે એક કરાર કર્યો છે કે જ્યારે તે શૂટિંગ કરવા જાય છે ત્યારે હું ઘરે જ રહેવાનો પ્રયત્ન કરું છું અને સૈફ પણ તે જ કરે છે.
કરીનાએ સૈફ અને મોટા પુત્ર તૈમુર વચ્ચેના બોન્ડિંગ વિશે પણ વાત કરી હતી. તેણે કહ્યું, ‘ટિમ લોકોને પસંદ કરે છે. જો ઘરમાં ઘણા બધા લોકો હોય, તો તે તેમની વચ્ચે રહેવા માંગે છે. તે નાના સૈફ જેવો છે જે રોકસ્ટાર બનવા માંગે છે, અને તેના પિતા સાથે એસી/ડીસી અને સ્ટીલી ડેન સાંભળે છે. તેમની વચ્ચે અદભૂત બોન્ડિંગ છે. ટિમ કહે છે – અબ્બા મારા શ્રેષ્ઠ મિત્ર છે.
કરીના અને સૈફના નાના પુત્રનો જન્મ ગયા વર્ષે જ થયો હતો. આ રીતે સૈફની દીકરી સારા અને જેહ વચ્ચે 25 વર્ષનો તફાવત છે. સૈફ અને કરીનાના લગ્ન 2012માં થયા હતા અને તેમના મોટા પુત્ર તૈમુરનો જન્મ 2016માં થયો હતો.
આ પણ વાંચો :એક્ટર રવિ કિશનના મોટા ભાઈ રમેશ કિશનનું નિધન, હોસ્પિટલમાં લીધા અંતિમ શ્વાસ
આ પણ વાંચો :માનહાનિ કેસમાં સલમાન ખાનની મુશ્કેલીઓ વધી, કોર્ટે કહ્યું- NRI પાડોશી ખોટું…
આ પણ વાંચો :આલિયા ભટ્ટ RRR ડિરેક્ટર રાજામૌલીથી નારાજ? અભિનેત્રીએ આ જવાબ આપ્યો
આ પણ વાંચો :ધર્મેન્દ્રએ બોબી દેઓલ સાથે અદભૂત ફોટો શેર કર્યો,સોશિયલ મીડિયા પર વાયરલ
