ઉંમર વધવાની સાથે ચહેરા પર કરચલીઓ, ફાઇન લાઇન્સ અને ફિક્કાસ આવવી એ એક કુદરતી પ્રક્રિયા છે. આ સમસ્યાઓથી બચવા અને ત્વચાને એવરગ્રીન રાખવા માટે લોકો બજારમાં મળતા મોંઘા એન્ટી-એજિંગ ક્રિમ્સ અથવા કેમિકલ ટ્રીટમેન્ટ્સ પાછળ હજારો રૂપિયા ખર્ચ કરે છે. પરંતુ આ બધી બાહ્ય વસ્તુઓ અસ્થાયી જ ગ્લો આપે છે. વાસ્તવમાં, જો તમે ચહેરા પર કાયમી અને કુદરતી ગુલાબી નિખાર મેળવવા માંગતા હોવ, તો શરીરને અંદરથી ડિટોક્સ કરવું અત્યંત જરૂરી છે. આ માટે ઘરગથ્થુ હોમમેડ ડ્રિંક (Homemade drink)‘આમળા અને ફુદીનાનો જ્યુસ’ એક અદભુત અને શક્તિશાળી કોલેજન બૂસ્ટર સાબિત થઈ શકે છે, જે ત્વચાના કોષોને અંદરથી રીપેર કરે છે.
ત્વચા માટે કેમ વરદાન સમાન છે આમળા-ફુદીનાનું આ દેશી કોકટેલ?
આમળા (કુદરતી કોલેજન બૂસ્ટર):
વિટામિન-સીથી ભરપૂર આમળા શરીરમાં નેચરલ કોલેજનનું ઉત્પાદન વધારવાનું કામ કરે છે.તે ત્વચાની લવચીકતા (Elasticity) જાળવી રાખે છે, જેના કારણે વધતી ઉંમરે આવતું સ્કીનનું ઢીલાપણું દૂર થાય છે અને ત્વચા એકદમ ટાઇટ બને છે.
ફુદીનો (નેચરલ લોહી શુદ્ધિકરણ) :
ફુદીનામાં અદભુત એન્ટી-બેક્ટેરિયલ અને એન્ટી-ઇન્ફ્લેમેટરી ગુણો જોવા મળે છે. તે લોહી શુદ્ધ કરીને શરીરમાંથી હાનિકારક ઝેરી કચરો (ટોક્સિન્સ) બહાર ફેંકી દે છે. પરિણામે ચહેરા પર વારંવાર થતા ખીલ, બળતરા અને ડાઘ-ધબ્બાની સમસ્યા મૂળમાંથી મટી જાય છે.
બેવડી અસર (પાચન અને ગ્લો) :
આ જાદુઈ જ્યુસ પાચનક્રિયાને એકદમ મજબૂત બનાવે છે. જ્યારે પેટ સાફ રહે છે, ત્યારે તેનો સીધો ગ્લો ચહેરા પર દેખાય છે. આ ઉપરાંત તે પિગમેન્ટેશન (વાંગ) અને ડાર્ક સ્પોટ્સને હળવા કરી ત્વચાનો રંગ એકસમાન (Even Skin Tone) બનાવે છે.
આ ડિટોક્સ જ્યુસ ઘરે બનાવવાની સાવ સરળ રીત:આ પાવરફુલ હેલ્ધી ડ્રિંક બનાવવા માટે તમારે કોઈ મોંઘી સામગ્રીની જરૂર નથી. બસ રસોડાની આ વસ્તુઓથી જ્યુસ તૈયાર કરો
જરૂરી સામગ્રી:
2 થી 3 નંગ તાજા આમળા (બીજ વગરના ટુકડા), એક નાની મુઠ્ઠી ફુદીનાના પાન, અડધો ઈંચ આદુનો ટુકડો અને એક ગ્લાસ શુદ્ધ પાણી.
બનાવવાની વિધિ:આ બધી વસ્તુઓને મિક્સર જારમાં નાખી સરસ રીતે બ્લેન્ડ કરી લો.ત્યારબાદ તેને એક ગ્લાસમાં ગાળી લો
સ્વાદમાં ટ્વિસ્ટ: જો તમને સ્વાદ થોડો તૂરો લાગે, તો તેમાં એક ચપટી સંચળ (કાળું મીઠું) અથવા એક ચમચી શુદ્ધ મધ ઉમેરી શકો છો.
સેવન કરવાની સાચી રીત: રોજ સવારે નરણા કોઠે (ખાલી પેટે) આ તાજો જ્યુસ પીવાની ટેવ પાડો. થોડા જ અઠવાડિયામાં તમારા ચહેરાની કરચલીઓ ગાયબ થઈ જશે અને સ્કીન એકદમ ટાઈટ તેમજ ગ્લોઇંગ દેખાવા લાગશે.
