આ દિવસે એટલે કે 8 માર્ચે ભારત સહિત સમગ્ર વિશ્વમાં આંતરરાષ્ટ્રીય મહિલા દિવસની ઉજવણી કરવામાં આવે છે. આજના સમયમાં દેશ અને સમાજ બંનેના ઘડતરમાં મહિલાઓ ખૂબ જ મહત્વપૂર્ણ ભૂમિકા ભજવી રહી છે. આના દાખલા દરેક ક્ષેત્રમાં જોવા મળે છે. ઘરની જવાબદારીની વાત હોય કે દેશની સુરક્ષાની, દરેક જગ્યાએ મહિલાઓ ઉભી છે.
આજે મહિલાઓ સરહદની સુરક્ષા માટે ફરજ બજાવે છે. આજે મહિલા દિવસના અવસર પર સરહદની સુરક્ષામાં તૈનાત મહિલા સૈનિકોની કેટલીક ખાસ તસવીરો અને વીડિયો સામે આવ્યા છે, જેને જોઈને દરેક વ્યક્તિ ગર્વ અનુભવી રહી છે. અરુણાચલ પ્રદેશમાં ઈન્ડો-તિબેટિયન બોર્ડર પોલીસ (ITBP)ની મહિલા સૈનિકો સરહદની સુરક્ષા માટે તૈયાર જોવા મળી છે.
#WATCH Women troops of Indo-Tibetan Border Police (ITBP) patrolling in Arunachal Pradesh near the border with China#InternationalWomensDay2022 pic.twitter.com/vzeVghWbPW
— ANI (@ANI) March 8, 2022
સરહદના દુર્ગમ વિસ્તારોમાં પેટ્રોલિંગ કરતી આ મહિલાઓનો વીડિયો તેમની ભાવના દર્શાવે છે. વીડિયોમાં સ્પષ્ટપણે જોઈ શકાય છે કે મહિલા સૈનિકો પહેલા પહાડો તરફ પેટ્રોલિંગ કરી રહી છે અને પછી નદી પાર કરતી જોવા મળી રહી છે. મહિલા સૈનિકોનો આ વિડીયો જોનાર દરેક યુઝર ખૂબ જ ગર્વ અનુભવી રહ્યો છે. યુઝર્સનું કહેવું છે કે આજની તારીખમાં મહિલાઓ કોઈથી ઓછી નથી. આપને જણાવી દઈએ કે, ITBPની આ મહિલા જવાનો જમ્મુ-કાશ્મીરથી લઈને ઉરુણાચલ પ્રદેશ સુધી સરહદની સુરક્ષામાં તૈનાત છે.
