Gandhinagar News: ગુજરાતીઓને નવરાત્રિ સુધી વરસાદ ભીંજવતો રહેશે. હાલ રાજ્યમાં બે વરસાદી સિસ્ટમ સક્રિય છે. સાયક્લોનિક સર્ક્યુલેશન અને મોનસૂન ટ્રફને કારણે વરસાદ પડશે. દરમિયાન ગુજરાત તરફ મોટી આફત આવી રહી છે. આ સિસ્ટમ ફરીથી બંગાળની ખાડીમાં વરસાદી સિસ્ટમ બનીને લો પ્રેશર કેટેગરીમાં પહોંચે તેવી શક્યતા છે.
જો કે, આ સિસ્ટમ ગુજરાતમાં પહોંચશે કે નહીં તે હજુ કહી શકાય નહીં. પરંતુ શક્ય છે કે તે સિસ્ટમ ગુજરાતને અસર કરે. જો તે સિસ્ટમ ગુજરાત તરફ આગળ વધે તો 13-14 થી 19 સપ્ટેમ્બર સુધી વરસાદનો બીજો રાઉન્ડ આવી શકે છે. ચોમાસાએ તેના અસલી રંગ બતાવવાનું શરૂ કરી દીધું છે. લગભગ આખા દેશમાં વરસાદની મોસમ ચાલુ છે. દિલ્હીમાં સપ્ટેમ્બરની શરૂઆતથી જ વરસાદ પડી રહ્યો છે. એનસીઆરમાં ભારે વરસાદને કારણે સ્થિતિ વધુ ખરાબ થઈ ગઈ છે.
ભારતીય હવામાન વિભાગે ફરીથી 5 સપ્ટેમ્બરે નવી આગાહી જાહેર કરી છે. હવામાન વિભાગે જણાવ્યું કે, આગામી બે દિવસ સુધી ગુજરાતથી લઈને આંધ્રપ્રદેશ સુધી ભારે વરસાદ પડશે. આ સિવાય ઉત્તર પ્રદેશ, બિહાર, ઉત્તરાખંડ, કર્ણાટક, રાજસ્થાન અને પૂર્વોત્તર ભારતમાં ભારે વરસાદની સંભાવના છે. IMD એ આ રાજ્યો માટે યલો એલર્ટ જાહેર કર્યું છે.
આંધ્રપ્રદેશ અને તેલંગાણા માટે રેડ એલર્ટ જાહેર કરવામાં આવ્યું છે. મધ્ય બંગાળની ખાડીમાં તોફાન જેવું દબાણ સર્જાઈ રહ્યું છે. જેના કારણે આંધ્રપ્રદેશ અને ઓરિસ્સાને અડીને આવેલા દરિયાઈ વિસ્તારોમાં 35 થી 55 કિલોમીટર પ્રતિ કલાકની ઝડપે પવન ફૂંકાશે. અરબી સમુદ્રમાં સાયક્લોનિક ડિપ્રેશન સર્જાઈ રહ્યું છે, જે ભારતથી ઓમાન સુધી વિસ્તરે છે. જેના કારણે આ વિસ્તારમાં તોફાન થવાની સંભાવના છે. જેના કારણે હવામાન વિભાગે માછીમારોને દરિયામાં ન જવા સૂચના આપી છે.
આ પણ વાંચો: ગુજરાતમાં ફરી ભારે વરસાદની આગાહી, આ જિલ્લાઓમાં રેડ એલર્ટ
આ પણ વાંચો: અમદાવાદમાં ચોતરફ વરસી રહ્યો છે વરસાદ, આજે ભારે વરસાદની આગાહી, થઈ જાઓ સાવધાન!
આ પણ વાંચો: ગુજરાતમાં પૂર : IMD ની રાજ્યમાં ભારેથી અતિ ભારે વરસાદની આગાહી, ઓરેન્જ એલર્ટ જારી
