સામાન્ય રીતે જ્યારે પણ લોકોને ભૂખ લાગે, ત્યારે તેઓ ખોરાક લેતા હોય છે . પરંતુ એવા ઘણા લોકો છે કે જેમને ખોરાક પ્રત્યે અલગ જ લેવલનું ઝુનુન હોય છે. ત્યારે તાજેતરમાં એક વ્યક્તિ સમગ્ર વિશ્વમાં ચર્ચામાં આવ્યો છે, જેનું કારણ છે કે તે ખૂબ જ ઓછા સમયમાં ફાસ્ટ ફૂડ ખાય છે. આ વ્યક્તિ બેકનની 40 સ્લાઈસ, 8.5 પેટીઝ અને ચીઝની 16 સ્લાઈસથી બનેલો 20,000 કેલરીનો બર્ગર 4 મિનિટમાં સરળતાથી ખાઈ શકે છે. આ વીડિયોને જોઈને લોકોનાં હોંશ ઉડી ગયા છે.
હવે જો કોઈ વ્યક્તિ આટલા ઓછા સમયમાં ફાસ્ટ ફૂડ ખાય તો સ્વાભાવિક છે કે તેની ચર્ચાઓ થશે. મેટ નામના વ્યક્તિએ 3 કિલોના બર્ગરને ખાવા માટે લગભગ ચાર મિનિટનો સમય લીધો હતો. આ વીડિયો હાલ સોશિયલ મીડિયા પર ખુબ વાયરલ થઈ રહ્યો છે, ઉલ્લેખનીય છે કે, આટલા મોટા બર્ગરને ખૂબ જ ઓછા સમયમાં ખાવાથી ખરેખર કોઈને પણ આશ્ચર્ય થશે.
મેટે 26 જુલાઈના રોજ આ રેકોર્ડ પોતાના નામે કર્યો હતો. અગાઉ, જે વ્યક્તિના નામે આ રેકોર્ડ નોંધાયો હતો, તેને આ બર્ગર ખાવામાં 7 મિનિટથી વધુ સમય લાગ્યો હતો.
મેટની પોતાની યુટ્યુબ ચેનલ પણ છે, જ્યાં તેને 14 મિલિયનથી વધુ લોકો ફોલો કરે છે. મેટનો આ વીડિયો જોઈને ઘણા લોકો આશ્ચર્યચકિત થઈ રહ્યા છે, જેમાં એક યુઝરે કહ્યું કે, આટલો મોટો બર્ગર કલાકોમાં પણ ખાઈ શકાય નહિ. જ્યારે અન્ય એક યુઝરે કહ્યું કે, આ માટો બર્ગર (Burger) મેટ આટલા ઓછા સમયમાં કેવી રીતે ખાય છે ?
