શેરબજારમાં આજે તેજીની રોનક પાછી જોવા મળી. બજારમાં છેલ્લા ત્રણ દિવસથી ઘટાડાનો માહોલ હતો. આજે ઘટાડા પર રોક લાગતા ફરી પાછો તેજી જોવા મળી. આજે વૈશ્વિક બજારની રિકવરીથી બજારને આજે સપોર્ટ મળતા સેન્સેક્સ અને નિફ્ટીએ 0.80 ટકા સુધીના ઉછાળા સાથે કારોબારની સારી શરૂઆત કરી હતી.
શરૂઆતના સત્રમાં કારોબાર વધવાથી બજારની રિકવરી પણ મજબૂત બની હતી. સવારે 9.20 વાગ્યે, સેન્સેક્સ 620 પોઈન્ટ્સ મજબૂત થયો હતો અને 71,800 ની સપાટી વટાવી ગયો હતો. તે જ સમયે, નિફ્ટીએ 190 પોઈન્ટના વધારા સાથે 21,650 પોઈન્ટની સપાટી વટાવી હતી.
બજાર ખૂલતા પહેલા ગિફ્ટ સિટીમાં નિફ્ટી ફ્યુચર મજબૂત હતા, જે માર્કેટમાં રિકવરીના સંકેત દેખાડી રહ્યા હતા. પ્રી-ઓપન સેશનમાં, બંને મુખ્ય સૂચકાંકો BSE સેન્સેક્સ અને NSE નિફ્ટી 50 ઉત્તમ રિકવરીના સંકેતો દર્શાવે છે. પ્રી-ઓપનમાં, સેન્સેક્સ લગભગ 600 પોઈન્ટ ઉછળ્યો હતો, જ્યારે નિફ્ટી 50 150 પોઈન્ટથી વધુનો વધારો દર્શાવે છે.
આ પહેલા છેલ્લા 3 દિવસમાં માર્કેટમાં જબરદસ્ત વેચવાલી જોવા મળી હતી. ગુરુવારે સેન્સેક્સ 313.90 પોઈન્ટ (0.44 ટકા) ઘટીને 71,186.86 પોઈન્ટ પર આવી ગયો હતો. NSEનો નિફ્ટી 50 પણ 109.70 પોઈન્ટ (0.51 ટકા)ના ઘટાડા સાથે 21,462.25 પોઈન્ટ પર રહ્યો. બુધવારે બજારમાં દોઢ વર્ષમાં સૌથી મોટો એક દિવસનો ઘટાડો જોવા મળ્યો હતો. સપ્તાહના ત્રીજા દિવસે સેન્સેક્સ 1628.01 પોઈન્ટ્સ અથવા 2.23 ટકા અને નિફ્ટી 459.20 પોઈન્ટ્સ (2.08 ટકા) તૂટ્યો હતો.
ગુરુવારના કારોબારમાં અમેરિકન માર્કેટમાં પણ સારી રિકવરી જોવા મળી હતી. વોલ સ્ટ્રીટ પર ડાઉ જોન્સ ઈન્ડસ્ટ્રીયલ એવરેજ 200 પોઈન્ટથી વધુ મજબૂત થઈ હતી. નાસ્ડેક, ટેક શેરો પર કેન્દ્રિત અમેરિકન ઇન્ડેક્સ પણ 200 થી વધુ પોઈન્ટ્સથી મજબૂત થયો છે. S&P 500માં 42 પોઈન્ટની રિકવરી જોવા મળી હતી.
સપ્તાહના અંતિમ દિવસે કારોબારમાં એશિયન બજારો મજબૂત દેખાઈ રહ્યા છે. જાપાનનો નિક્કી પ્રારંભિક સત્રમાં 1.4 ટકાની તેજીમાં હતો. ટોપિક્સમાં પણ લગભગ 1 ટકાનો ઉછાળો હતો. દક્ષિણ કોરિયાના કોસ્પીમાં 1.15 ટકા અને કોસ્ડેકમાં 1.37 ટકાનો વધારો જોવા મળ્યો હતો. હોંગકોંગનો હેંગસેંગ ભવિષ્યના વેપારમાં મજબૂત કારોબારના સંકેતો બતાવી રહ્યો હતો.
આજની રિકવરીમાં મોટી કંપનીઓના શેરમાં જોરદાર ગ્રોથ જોવા મળી રહ્યો છે. પ્રારંભિક ટ્રેડિંગમાં, ઇન્ડસઇન્ડ બેંક સિવાય, સેન્સેક્સ પરના અન્ય તમામ 29 મોટા શેરો ગ્રીન ઝોનમાં હતા. નાસ્ડેકમાં ટેક શેરોમાં જબરદસ્ત રિકવરી જોવા મળી રહી છે. ટેક મહિન્દ્રા લગભગ 2.20 ટકા મજબૂત હતો. વિપ્રો, એચસીએલ ટેક, ઈન્ફોસિસ અને ટીસીએસ પણ 1 ટકાથી વધુ વધ્યા હતા. ટાઇટન, એક્સિસ બેન્ક, એનટીપીસી, બજાજ ફાઇનાન્સ, આઇસીઆઇસીઆઇ બેન્ક, જેએસડબ્લ્યુ સ્ટીલ, આઇટીસી, ભારતી એરટેલ જેવા શેર પણ 1 ટકાથી વધુ વધ્યા હતા.
આ પણ વાંચો:Ayodhya Ram Temple/કૃષ્ણના મોરપીંછ પર બિરાજ્યા રામ,જુઓ અદભૂત તસવીરો
આ પણ વાંચો:વડોદરા દુર્ઘટના/વડોદરા બોટ દુર્ઘટના મામલે રાષ્ટ્રપતિ અને ઉપરાષ્ટ્રપતિએ શોકની લાગણી વ્યકત કરી
