યુદ્ધગ્રસ્ત ઈઝરાયેલની રાજધાની તેલ અવીવથી દિલ્હી જઈ રહેલું એર ઈન્ડિયાનું એક વિમાન મિસાઈલ હુમલાનો ભોગ બનવાથી બચી ગયું હતું. તે સમયે બોર્ડ ફ્લાઇટ AI-140 માં લગભગ 220 મુસાફરો હતા અને હુમલો ટેક-ઓફની થોડી મિનિટો પહેલા એરપોર્ટની આસપાસના વિસ્તારમાં થયો હતો. જ્યારે મિસાઈલ નજરે પડી ત્યારે વિમાન એરપોર્ટ પર ઉડાન માટે તૈયાર થઈ રહ્યું હતું. ઘટનાની જાણ થતા જ અધિકારીઓએ તરત જ વિમાનને અટકાવી દીધું હતું. રનવેની તપાસ બાદ બધુ સામાન્ય હોવાનું જાણવા મળ્યું હતું અને 30 મિનિટ બાદ વિમાનને ટેક ઓફ કરવાની પરવાનગી આપવામાં આવી હતી.