Tech News: અવકાશયાત્રીઓ સુનીતા વિલિયમ્સ (Sunita Williams) અને બુચ વિલ્મોરનું (Butch Wilmore) પૃથ્વી પર પાછા ફરવાનું ફરી એકવાર અટકી ગયું છે. 9 મહિનાથી અવકાશમાં અટવાયેલા સુનિતા વિલિયમ્સ અને બૂચ વિલ્મોરના પરત આવવાની ઘણી આશા હતી. અમેરિકાની સ્પેસ એજન્સી NASA સુનિતાની વાપસી સુનિશ્ચિત કરવા માટે ક્રૂ-10 નામનું સ્પેસશીપ લોન્ચ કરવાની હતી.
પરંતુ ટેકનિકલ સમસ્યાઓના કારણે ક્રૂ-10નું લોન્ચિંગ મોકૂફ રાખવું પડ્યું હતું. નાસાએ કહ્યું કે ક્રૂ-10ની હાઇડ્રોલિક સિસ્ટમમાં સમસ્યાના કારણે તેનું લોન્ચિંગ રોકવું પડ્યું.
ભારતીય મૂળના અવકાશયાત્રી સુનિતાના પરત ફરવા માટે ક્રૂ-10 મહત્વપૂર્ણ છે કારણ કે તેનો હેતુ ક્રૂ-9ને બદલવાનો છે. અવકાશયાત્રીઓ સુનીતા વિલિયમ્સ અને બૂચ વિલ્મોર ક્રૂ-9થી જ અવકાશમાં ગયા છે. નાસાએ અગાઉ કહ્યું હતું કે ક્રૂ-9 અંતરિક્ષમાં ક્રૂ-10 લૉન્ચ થયા પછી જ ઇન્ટરનેશનલ સ્પેસ સ્ટેશન (ISS)થી પરત ફરી શકે છે.
ઉલ્લેખનીય છે કે સુનિતા વિલિયમ્સ અને બૂચ વિલ્મોરની વાપસીમાં ખુદ અમેરિકી રાષ્ટ્રપતિ ડોનાલ્ડ ટ્રમ્પ રસ લઈ રહ્યા છે. તેણે આ માટે સ્પેસએક્સના માલિક ઈલોન મસ્કને પણ જવાબદારી સોંપી છે.
ટ્રમ્પે થોડા દિવસ પહેલા જ કહ્યું હતું કે બિડેને સુનીતા અને બૂચ વિલ્મોરને અવકાશમાં છોડી દીધા છે. તેણે કહ્યું કે તેણે આ અંગે ઈલોન મસ્ક સાથે વાત કરી છે અને મસ્ક તેના માટે સંમત થયા છે.
આ પછી મસ્કની કંપની સ્પેસએક્સે આ દિશામાં કામ શરૂ કર્યું અને ક્રૂ-10 લોન્ચ કરવાની હતી. પરંતુ તેનું લોન્ચિંગ ફરી એકવાર મોકૂફ રાખવામાં આવ્યું છે.
નાસા અનુસાર, હવે ક્રૂ-10નું આગામી પ્રક્ષેપણ 17 માર્ચ, ગુરુવારે થઈ શકે છે. જો કે, આ તારીખ પણ નિશ્ચિત નથી અને હવામાન સહિત અન્ય પરિબળો પર ધ્યાન આપવું જરૂરી રહેશે.
ક્રૂ-10 એ સ્પેસએક્સની માનવ અવકાશ પરિવહન પ્રણાલીનું 10મું ક્રૂ રોટેશન મિશન છે.
તમને જણાવી દઈએ કે સુનીતા વિલિયમ્સ અને બૂચ વિલ્મોર ગયા વર્ષે 5 જૂને ઈન્ટરનેશનલ સ્પેસ સ્ટેશન ગયા હતા. તે એક અઠવાડિયા પછી પરત આવવાની હતી, પરંતુ બોઈંગ સ્ટારલાઈનરમાં ખામીને કારણે તે ત્યાં જ ફસાઈ ગઈ હતી. બંને અવકાશયાત્રીઓ બોઇંગ અને નાસાના સંયુક્ત ક્રૂ ફ્લાઇટ ટેસ્ટ મિશન પર અવકાશમાં ગયા હતા. આ પછી તેને પરત લાવવા માટે અનેક પ્રયાસો કરવામાં આવી રહ્યા છે.
આ પણ વાંચો:સુનીતા વિલિયમ્સ માટે અવકાશમાંથી પાછા ફરવાનો માર્ગ ખુલ્યો
આ પણ વાંચો:સુનીતા વિલિયમ્સ રચવા જઈ રહી છે ઈતિહાસ, ત્રીજી વખત અંતરિક્ષમાં ભરશે ઉડાન
