ટ્વિટર અને એલોન મસ્કની લડાઈ હવે ‘ભારત’ સુધી પહોંચી ગઈ છે. બંનેની કાનૂની લડાઈ ભારતમાં નથી આવી, પરંતુ તેમાં ભારત સરકારનું નામ આવ્યું છે. ટ્વિટરે એલોન મસ્કના આરોપોના જવાબમાં પોતાનું સ્ટેન્ડ રજૂ કર્યું છે. ટ્વિટરે Delaware Chancery કોર્ટમાં પોતાનો જવાબ દાખલ કર્યો છે. આ મામલો ટ્વિટર અને એલોન મસ્ક વચ્ચે $44 બિલિયનની ડીલનો છે. મસ્કે આ ડીલ કેન્સલ કરી દીધી છે, જે બાદ ટ્વિટર કોર્ટમાં પહોંચ્યું છે.
આ મામલે બંને પક્ષ પોતપોતાની વાત કરી રહ્યા છે. જ્યાં મસ્કે ટ્વિટર પર કેટલાક આરોપો લગાવ્યા છે. આ આરોપોમાં ભારત અને સરકાર સાથે ટ્વિટરની ખેંચતાણનો પણ ઉલ્લેખ કરવામાં આવ્યો છે.
શું Twitter એ રમત રમી હતી?
વાસ્તવમાં, એલોન મસ્કએ આ મામલામાં કહ્યું છે કે ટ્વિટર ખરીદવા માટે તેમની આંખોમાં ધૂળ નાખવામાં આવી રહી છે. તેમણે કહ્યું કે ટ્વિટર ભારત સરકાર સાથે ચાલી રહેલા કેસ અને તપાસ વિશે જણાવવામાં નિષ્ફળ ગયું.
ટ્વિટરે તેના ત્રીજા સૌથી મોટા બજારને જોખમમાં મૂક્યું છે. કંપનીએ ભારત સરકારના આદેશનું ઉલ્લંઘન કર્યું છે. મસ્કે પોતાના પ્રતિભાવમાં કહ્યું કે ભારતના IT મંત્રાલયે 2021માં કેટલાક નિયમો બનાવ્યા હતા.
આ નિયમોના કારણે સરકાર ઓળખ, સોશિયલ મીડિયા પોસ્ટની તપાસ સંબંધિત માહિતી માગી શકે છે. આવું ન કરનારી કંપનીઓ સામે પણ કેસ દાખલ થઈ શકે છે. સરકારના નવા નિયમોના કારણે ટ્વિટરને તાજેતરના ભૂતકાળમાં ઘણી તપાસનો સામનો કરવો પડ્યો છે.
ભારતનું નામ શા માટે આવ્યું?
કારણ કે ભારત ટ્વિટર માટે ત્રીજું સૌથી મોટું બજાર છે. આવી સ્થિતિમાં, તપાસમાં પકડાવાને કારણે, ટ્વિટર સસ્પેન્ડ થઈ શકે છે અથવા તેની સેવામાં અવરોધ આવી શકે છે.
6 જુલાઈ 2022 ના રોજ, ટ્વિટર ભારત સરકાર વિરુદ્ધ કોર્ટમાં પહોંચ્યું, જ્યાં તેણે સરકારની માગને પડકારી. એટલે કે મર્જર કરાર પર હસ્તાક્ષર કરતી વખતે ટ્વિટર તપાસ હેઠળ હતું અને તેણે કાનૂની પડકાર આપ્યો છે.
આ પણ વાંચો:સંસ્કારી નગરમાં શિક્ષકે ધો. 10ની વિદ્યાર્થીની દારૂ પીવડાવી કર્યું એવું કામ કે…..
આ પણ વાંચો:ભાજપના નેતા વિજય સુવાળાની દાદાગીરી, ટ્રાફિક પોલીસકર્મીને આપી આવી ધમકી
આ પણ વાંચો:હરામીનાળા વિસ્તારમાંથી 1 પાકિસ્તાની માછીમાર સહિત 5 પાક. બોટ જપ્ત
