વડા પ્રધાન નરેન્દ્ર મોદીએ મંગળવારે મહારાષ્ટ્રના મુખ્યમંત્રી ઉદ્ધવ ઠાકરેને તેમના જન્મદિવસ પર શુભેચ્છા પાઠવી છે અને તેમના સ્વસ્થ અને લાંબા આયુષ્યની કામના કરી છે. પીએમ મોદીએ ટ્વિટ કરીને કહ્યું, ‘મહારાષ્ટ્રના મુખ્ય પ્રધાન ઉદ્ધવ ઠાકરેને જન્મદિવસની શુભકામના. હું તેમને સારા સ્વાસ્થ્ય અને લાંબા આયુષ્યની કામના કરું છું.જણાવી દઈએ કે, ‘ઠાકરે 61 વર્ષના થઇ ગયા છે. ઉલ્લેખનીય છે કે, મહારાષ્ટ્રના મુખ્ય પ્રધાન અને શિવસેના પ્રમુખ ઉદ્ધવ ઠાકરેએ 27 મી જુલાઇએ તેમનો જન્મદિવસ મહારાષ્ટ્રમાં ભારે વરસાદ, પૂર અને કોવિડ -19 મહામારીને ધ્યાનમાં રાખીને ન ઉજવવાનો નિર્ણય કર્યો છે.
આ પણ વાંચો :પરણીતાના પ્રાઇવેટ પાર્ટમાં મરચાંની ભૂખી નાંખી, સારવાર દરમિયાન મોત
મુખ્યમંત્રી કાર્યાલય દ્વારા જારી કરાયેલા એક નિવેદનમાં, ઉદ્ધવ ઠાકરેએ પક્ષના કાર્યકરોને કોરોના ઇન્ફેક્શનની ત્રીજી લહેરની સંભાવનાને ધ્યાનમાં રાખીને તેમના જન્મદિવસની ઉજવણી ન કરવા અને કોરોના સલામતીના ધોરણોનું સખતપણે પાલન કરવા અને જાહેર કાર્યક્રમોનું આયોજન ન કરવા તાકીદ કરી છે.
ઠાકરેએ રવિવારે જણાવ્યું હતું કે, પશ્ચિમ મહારાષ્ટ્રના કોંકણ ભાગમાં કુદરતી આફતો આવી છે અને પૂર અને ભૂસ્ખલનના કારણે ઘણા લોકોના મોત નીપજ્યા છે, ઘણા પરિવારો તેનાથી પ્રભાવિત થયા છે. 27 જુલાઇએ મુખ્યમંત્રી ઉદ્ધવ ઠાકરેનો જન્મદિવસ છે, પરંતુ આ આફતોને કારણે તેમણે પોતાનો જન્મદિવસ નહીં ઉજવવાનો નિર્ણય લીધો છે. મુખ્યમંત્રીએ કહ્યું કે કોઈએ પણ તેમને અંગત રીતે મળવા ન જોઈએ અથવા તેમના જન્મદિવસ પર શુભેચ્છા આપવા માટે કોઈ હોર્ડિંગ્સ, પોસ્ટરો લગાવ્યા ન હતાં. તેના બદલે, તે સોશિયલ મીડિયા અને ઇમેઇલ દ્વારા શુભેચ્છાઓ સ્વીકારશે.
આ પણ વાંચો :જમ્મુ કાશ્મીરમાં ચૂંટણીઓ, કોનો વાગશે ડંકો, કોની થશે હાર ?
ઉદ્ધવ ઠાકરેનો જન્મ આ દિવસે મુંબઇમાં 1960 માં થયો હતો. તે શિવસેનાના સ્થાપક બાળાસાહેબ ઠાકરેના પુત્ર છે અને મહારાષ્ટ્રના 19 મા મુખ્ય પ્રધાન છે. શિવસેનાએ લાંબા સમયથી ભાજપ સાથે રાજકીય જોડાણ રાખ્યું હતું, પરંતુ મહારાષ્ટ્ર વિધાનસભાની ગત ચૂંટણીમાં ઉદ્ધવે મુખ્ય પ્રધાનની અધ્યક્ષતાના મતભેદો પછી કોંગ્રેસ અને રાષ્ટ્રવાદી કોંગ્રેસ પાર્ટી સાથે હાથ મિલાવ્યો હતો.
આ પણ વાંચો :તમે પોર્ન સાઈટ જુઓ છો, દંડ તો ભરવો જ પડશે…વાંચો સમગ્ર ઘટના
આ પણ વાંચો :આસામ-મિઝોરમ સરહદ પર ફરી હિંસા ફાટી નીકળી,કેન્દ્રીય ગૃહમંત્રી અમિત શાહની દખલની માંગ
