Valsad Rain News: દક્ષિણ ગુજરાતમાં સતત વરસી રહેલા અતિભારે વરસાદે વલસાડ અને નવસારી જિલ્લામાં ગંભીર પરિસ્થિતિ ઊભી કરી છે. માત્ર 36 કલાકના ગાળામાં પડેલા રેકોર્ડબ્રેક વરસાદ (Umargam 51 Inch Rain)ને કારણે અનેક વિસ્તારો જળબંબાકાર બન્યા છે. રસ્તાઓ, રહેણાંક વિસ્તારો અને નીચાણવાળા વિસ્તારોમાં પાણી ભરાતા જનજીવન પર વ્યાપક અસર જોવા મળી રહી છે.
Umargam 51 Inch Rain:36 કલાકમાં ધોધમાર વરસાદથી દક્ષિણ ગુજરાતમાં જળબંબાકાર સ્થિતિ
વરસાદના સત્તાવાર આંકડા મુજબ, ઉમરગામમાં સૌથી વધુ 51.56 ઇંચ વરસાદ (Umargam 51 Inch Rain) નોંધાયો છે, જે છેલ્લા ઘણા વર્ષોમાં નોંધાયેલા સૌથી ભારે વરસાદમાંનો એક ગણાઈ રહ્યો છે. ઉપરાંત કપરાડામાં 38 ઇંચ, નાનાપૌંઢામાં 36 ઇંચ, ખેરગામ અને વાંસદામાં 31-31 ઇંચ, પારડીમાં 30 ઇંચ તેમજ ધરમપુરમાં 29 ઇંચ વરસાદ નોંધાતા સમગ્ર દક્ષિણ ગુજરાતમાં પૂર જેવી સ્થિતિ સર્જાઈ છે.
સતત વરસાદ (Umargam 51 Inch Rain)ના કારણે નદીઓ, નાળાઓ અને જળાશયો છલકાઈ ગયા છે. અનેક ગામો અને શહેરોના નીચાણવાળા વિસ્તારો પાણીમાં ગરકાવ થઈ ગયા છે, જ્યારે કેટલાક માર્ગો પર વાહનવ્યવહાર પણ ખોરવાઈ ગયો છે. અસરગ્રસ્ત વિસ્તારોમાં લોકોના ઘરોમાં પણ પાણી ઘૂસી જતાં ભારે મુશ્કેલીઓ સર્જાઈ છે.
પરિસ્થિતિની ગંભીરતાને ધ્યાનમાં રાખીને રાજ્ય સરકાર અને સ્થાનિક વહીવટી તંત્ર દ્વારા તાત્કાલિક રાહત અને બચાવ કામગીરી શરૂ કરવામાં આવી છે. અસરગ્રસ્ત વિસ્તારોમાં લોકોને સુરક્ષિત સ્થળે ખસેડવા અને જરૂરી મદદ પહોંચાડવા માટે આર્મીના 70 જવાનોની ટુકડી તૈનાત કરવામાં આવી છે. સેના, સ્થાનિક પ્રશાસન, NDRF, SDRF અને અન્ય બચાવ દળો સંકલન સાથે કામગીરી કરી રહ્યા છે.
પ્રાથમિક માહિતી અનુસાર, આ કુદરતી આફતમાં અત્યાર સુધી ચાર લોકોના મોત થયા હોવાના અહેવાલ છે. વહીવટી તંત્ર સતત પરિસ્થિતિ પર નજર રાખી રહ્યું છે અને લોકોને નદી-નાળા નજીક ન જવા, બિનજરૂરી મુસાફરી ટાળવા તેમજ સત્તાવાર સૂચનાઓનું પાલન કરવાની અપીલ કરી છે.
આ પણ વાંચો:અમરેલી-બગસરા નેશનલ હાઇવે બંધ: સાતલડી નદીમાં પૂરથી પુલ પર પાણી ફરી વળતાં વાહનવ્યવહાર ઠપ
