Vadodara News: શહેરના પાણીગેટ વિસ્તારમાં વરસાદી માહોલ વચ્ચે વડોદરા મહાનગરપાલિકાની પ્રી-મોન્સૂન કામગીરી પર સવાલો ઊભા કરતી ઘટના સામે આવી છે. પાણીગેટના બાવામાનપુરા વિસ્તારમાં તૂટેલા ગટરના ઢાંકણામાં એક ઓટો રિક્ષા (Auto Rickshaw Accident) ખાબકી જતાં અકસ્માત સર્જાયો હતો. જોકે સ્થાનિક લોકોની સતર્કતાના કારણે રિક્ષા ચાલકનો આબાદ બચાવ થયો અને મોટી જાનહાનિ ટળી હતી.
Auto Rickshaw Accident: વરસાદી પાણીમાં દેખાયો નહીં ખાડો
ઘટના બાવામાન દાદાની દરગાહ નજીક બની હતી. સ્થાનિકોના જણાવ્યા મુજબ ગટરનું ઢાંકણું ઘણા સમયથી તૂટેલી હાલતમાં હતું. વરસાદના કારણે માર્ગ પર પાણી ભરાઈ જતાં ખાડો દેખાતો ન હોવાથી પસાર થઈ રહેલી ઓટો રિક્ષા (Auto Rickshaw Accident) નું એક વ્હીલ અચાનક ગટરમાં ખાબક્યું અને રિક્ષા ફસાઈ ગઈ.
રિક્ષા (Auto Rickshaw Accident) નું સંતુલન બગડતાં આસપાસ હાજર લોકો તરત જ મદદે દોડી આવ્યા. સ્થાનિકોએ ભારે જહેમત બાદ રિક્ષા (Auto Rickshaw Accident) ને સુરક્ષિત રીતે બહાર કાઢી હતી. સદનસીબે આ ઘટનામાં કોઈને ઈજા પહોંચી નહોતી.
સ્થાનિકોમાં પાલિકા સામે રોષ
ઘટના બાદ સ્થાનિક રહીશોએ મહાનગરપાલિકાની કામગીરી સામે નારાજગી વ્યક્ત કરી છે. તેમનું કહેવું છે કે તૂટેલા ગટરના ઢાંકણાં અંગે અગાઉ અનેક વખત રજૂઆત કરવામાં આવી હોવા છતાં યોગ્ય સમારકામ કરવામાં આવ્યું નહોતું.
સ્થાનિકોનું કહેવું છે કે સામાન્ય વરસાદમાં પણ અહીં પાણી ભરાઈ જાય છે, જેના કારણે વાહનચાલકો અને રાહદારીઓ માટે સતત જોખમ ઊભું રહે છે. આજની ઘટનામાં તો મોટી દુર્ઘટના ટળી ગઈ, પરંતુ જો સમયસર સમારકામ નહીં થાય તો ભવિષ્યમાં ગંભીર અકસ્માત સર્જાઈ શકે છે.
તાત્કાલિક કાર્યવાહી કરવાની માંગ
રહીશોએ વડોદરા મહાનગરપાલિકાને તૂટેલા ગટરના ઢાંકણાં અને જોખમી સ્થળોનું તાત્કાલિક સમારકામ કરવા માંગ કરી છે. વરસાદી સિઝનમાં શહેરના વિવિધ વિસ્તારોમાં આવી સમસ્યાઓ સામે આવી રહી હોવાથી સુરક્ષાના પગલાં ઝડપથી ભરવા પણ અપીલ કરવામાં આવી છે.
આ પણ વાંચો:બાયડના લાંક પાસે કેનાલમાં રિક્ષા ખાબકી, લાપત્તા બનેલ બાળકનો ચોવીસ કલાક પછી મૃતદેહ લાગ્યો હાથ
આ પણ વાંચો:દ્વારિકાના ભાણવડ નજીક છકડો રિક્ષા પુલ પરથી નીચે ખાબકી, ત્રણના કરુણ મોત
આ પણ વાંચો:ગાંધીનગરમાં અકસ્માત : રિક્ષા નદીમાં ખાબકતા ચાલકનું મોત
