લૈંગિક સમાનતા માટે કાર્યરત સંયુક્ત રાષ્ટ્રની સંસ્થાએ આગ્રહ કર્યો છે કે, નિર્ણય લેતી વૈશ્વિક સંસ્થાઓમાં મહિલાઓની ભાગીદારી વધારવાની જરૂર છે. શુક્રવારે રાત્રે સ્વીકૃત દસ્તાવેજોમાં સંસ્થાએ આ માંગ કરી હતી. દસ્તાવેજમાં, આયોગે તમામ મહિલાઓના માનવાધિકાર અને સ્વતંત્રતાઓમાં વધારો અને રક્ષણ કરવામાં નાગરિક સમાજની મહત્વપૂર્ણ ભૂમિકાને ટેકો આપ્યો હતો.
‘કમિશન ઓન સ્ટેટસ ઓફ વુમન’ એ લૈંગિક સમાનતા હાંસલ કરવા 25 વર્ષ પહેલાં બેઇજિંગમાં મહિલા સંમેલનમાં સ્વીકૃત માળખાને પુષ્ટિ આપી અને આજના ઘણા મહત્વના મુદ્દાઓ પર પ્રકાશ પાડ્યો. આમાં જાહેર જીવનમાં પુરુષો અને સ્ત્રીઓ વચ્ચે શક્તિનું સંતુલન અને ડિજિટલ વિશ્વમાં મહિલાઓ અને છોકરીઓ વિરુદ્ધ થતી હિંસાના વધતા પ્રભાવનો સમાવેશ થાય છે.
રાજદ્વારીઓએ મહિલા અધિકાર રક્ષકો, લિંગ આધારિત હિંસા અને પ્રજનન અને જાતીય સ્વાસ્થ્ય અને અધિકારોની ભાષા અને પર વાત કરી હતી. યુરોપિયન યુનિયનએ કહ્યું કે, તે ઇચ્છે છે કે 23-પાનાના દસ્તાવેજમાં ‘વધુ મહત્વાકાંક્ષી ભાષા’ હોય. સંયુક્ત રાષ્ટ્રના 193 સભ્યોએ ‘સંમત થયેલા નિષ્કર્ષ’ પર ચર્ચા કરી અને બે અઠવાડિયાની બેઠકના અંતે, કમિશનના 45 સભ્યોએ સર્વાનુમતે તેને સ્વીકાર્યું.
