રાજકોટમાં કોરોનાએ અજગર ભરડો લીધો છે. છેલ્લા ૨૪ કલાકમાં ગઇકાલે ૫૯ દર્દીઓનાં મોત નીપજ્યા હતા અને આજે ૫૫ના મોત નીપજ્યા છે. કોરોનાની બીજી લહેરમાં પોઝિટિવ કેસમાં સતત વધારો થઇ રહૃાો છે. જેમાં પોઝિટિવ દર્દીઓ હોમ આઇસોલેટ થવાનું વધુ પસંદૃ કરી રહૃાાં છે. હાલની સ્થિતિમાં દર્દીઓને શરીરમાં ઓક્સિજનનું પ્રમાણ ઓછું આવતું હોવાથી ઓક્સિજનની માગમાં પણ પ્રથમ કરતા બીજી લહેરમાં વધારો થયો છે. રાજકોટની સામાજિક સંસ્થા બોલબાલા ચેરીટેબલ ટ્રસ્ટે હોળી-ધુળેટીનાં તહેવાર બાદ અત્યાર સુધીમાં ૨૮ લાખની ફિક્સ ડિપોઝીટ તોડીને ૧ હજાર ઓક્સિજન સિલીન્ડર ખરીદ કર્યા છે અને ઓક્સિજન સિલિન્ડર સેવા યજ્ઞ શરૂ કર્યો છે.
રાજકોટ બોલબાલા ટ્રસ્ટનાં પ્રમુખ જયેશ ઉપાધ્યાયનાં જણાવ્યા મુજબ રાજકોટમાં કોરોનાની સ્થિતિ ગંભીર થતા હોસ્પિટલોમાં બેડ નથી, ઓક્સિજનની માગમાં મોટો ઉછાળો આવ્યો છે. એક સમયે ૩૦૦ સિલિન્ડર ઓક્સિજનનાં હતા જે વધારીને અમારે ૧૦૦૦ સિલિન્ડર વસાવવા પડ્યા છે. ઓક્સિજન સિલિન્ડર યજ્ઞ શરૂ કર્યો છે. જેમાં ડિપોઝીટ લઇને ઓક્સિજન સિલિન્ડર આપી રહૃાાં છીએ. ઓક્સિજન સિલિન્ડર મેળવવા માટે સવારથી જ લોકોની લાઈન લાગે છે અને રાત્રિના સમયે પણ લોકો આવે છે. હોમ ક્વોરન્ટીન થયેલા લોકો સૌથી વધુ ઓક્સિજન સિલિન્ડર લેવા આવી રહૃાાં છે. ૧ હજાર સિલિન્ડર છે પણ માગ ૫ હજાર સિલિન્ડર થાય તો પણ સંતોષી શકીએ તેમ ન હોવાનું જણાવ્યું હતું. બોલબાલા ટ્રસ્ટ પાસે પણ રૂપિયા ખુટી રહૃાાં હોવાથી લોકોને છૂટા હાથે દાન કરવા અપીલ કરી હતી.
