સમાજવાદી પાર્ટીનાં રાષ્ટ્રીય અધ્યક્ષ અખિલેશ યાદવનું કહેવું છે કે તેમને જાનથી મારી નાખવાની ધમકી મળી છે. અખિલેશ યાદવે કહ્યું કે થોડા દિવસો પહેલા તેમને ફોન પર એક મેસેજ મળ્યો હતો, જેમા તેમને જાનથી મારી નાખવાની ધમકી આપવામા આવી હતી. આપને જણાવી દઈએ કે, શનિવારે અખિલેશ યાદવ કન્નૌજમાં એક જાહેર સભાને સંબોધન કરી રહ્યા હતા, તે દરમિયાન એક શખ્સ ત્યાં દાખલ થયો હતો અને હુમલો કરવાનો પ્રયાસ કર્યો હતો. સિક્યુરિટી ગાર્ડ્સે તેને પકડ્યો અને ખૂબ માર માર્યો હતો. તે વ્યક્તિ જાહેર સભામાં પહોંચ્યો ત્યારે અખિલેશ યાદવે કહ્યું કે આજે આ હુમલાની પુષ્ટિ થઈ ગઇ છે.
અખિલેશ યાદવે વોટ્સએપનાં સ્ક્રીન શોટને ટ્વિટ કરીને લખ્યું છે કે, દેશની રાજનીતિ વ્યક્તિગત ધમકીઓ દ્વારા થાય છે જાહેર મંચો પર કાવતરાખોરોને મોકલી રાજવેતાઓને બદનામ કરવાના કાવતરાનાં ખરાબ સમયથી પસાર થઇ રહી છે, પરંતુ આજનાં સમજદાર લોકો બધા સમજી ગયા છે અને તેઓ શાસકોની વાતમાં આવશે નહીં. પણ તે સત્તાનો વિરોધ કરનારાઓની સાથે ઉભા છે.
देश की राजनीति व्यक्तिगत धमकियों से होती हुई सार्वजनिक मंचों पर षड्यंत्रकारियों तक को भेजकर राजनेताओं को बदनाम करने की साज़िश के निकृष्टतम दौर से गुजर रही है. लेकिन आज की समझदार जनता सब समझकर सत्ताधारियों के झाँसे में नहीं आनेवाली बल्कि सत्ता का विरोध करनेवालों के साथ खड़ी है.
— Akhilesh Yadav (@yadavakhilesh) February 16, 2020
આપને જણાવી દઈએ કે, ગેસનાં વધેલા ભાવો સામે સમાજવાદી પાર્ટી દ્વારા રેલી યોજવામાં આવી હતી. શનિવારે અખિલેશ યાદવ જાહેર સભાને સંબોધન કરવા કન્નૌજ પહોંચ્યા હતા. અખિલેશ સ્ટેજ પર ઉભા હતા અને ભાષણ આપી રહ્યા હતા, ત્યારે ગોવિંદ શુક્લા નામનાં યુવકે બેરોજગારી અંગે અખિલેશને સવાલ કર્યો હતો. આ અંગે અખિલેશે તેને કહ્યું- તમે કોના માણસ છો? શું તમે ભાજપનાં છો? એમ કહીને તેણે ‘જય શ્રી રામ’ નાં નારા લગાવ્યા. જ્યારે ત્યા હાજર લોકોને યુવકને પકડવાનો પ્રયાસ કર્યો ત્યારે યુવકે ધક્કા મારવાનું શરૂ કર્યું હતું.
અખિલેશ યાદવને આ બધું ખૂબ ખરાબ લાગ્યું. ગુસ્સે ભરાયેલા અખિલેશ યાદવે સ્ટેજથી જ પોલીસ અધિકારીઓને બોલવાનું શરૂ કર્યું હતું. અખિલેશ યાદવે પોલીસ અધિકારીને કહ્યું, ‘હું પૂછવા માંગું છું કે કેટલા સ્ટાર છે તમારા ઉપર? આ (નારા લગાવનાર) અહીં કેવી રીતે આવ્યો? ‘ ત્યારબાદ નીચે ઉભા રહેલા અધિકારીએ અખિલેશ યાદવને જવાબ આપ્યો કે નારેબાજ અહીંથી જઇ શકશે નહી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
