Rajkot News: રાજકોટ ઉપલેટા તાલુકાના લાઠ ગામમાં આરોગ્ય વિભાગના કર્મચારી હોવાની ઓળખ આપીને વૃદ્ધ દંપતીને લૂંટવાનો (Upleta Lath Robbery) બનાવ સામે આવ્યો છે. મચ્છરનાશક દવા છાંટવાના બહાને ઘરમાં પ્રવેશેલા બે શખસોએ વૃદ્ધ દંપતીના ચહેરા પર સ્પ્રે છાંટ્યો હતો. ત્યારબાદ સોનાના દાગીનામાંથી કિંમતી સોનાના કવર લઈને બંને ફરાર થઈ ગયા હતા. આ બનાવમાં પાટણવાવ પોલીસે તપાસ હાથ ધરી જૂનાગઢના બે શખસોને ઝડપી લીધા છે. પોલીસના જણાવ્યા અનુસાર, તેમની પાસેથી અંદાજે રૂ. 1.40 લાખનો મુદ્દામાલ ઝપ્ત કરવામાં આવ્યો.
Upleta Lath Robbery: પાણી માગવાના બહાને વૃદ્ધના ઘરે પહોંચ્યો શખસ
લાઠ ગામમાં રહેતા 82 વર્ષીય વશરામ કણસાગરા અને તેમનાં 78 વર્ષીય પત્ની લાભુબેન ઘરે (Elderly Couple Robbery) એકલાં રહે છે. પોલીસ ફરિયાદ મુજબ, 6 ઓક્ટોબર, 2026ના રોજ સવારે આશરે 10 વાગ્યે એક અજાણ્યો શખસ તેમના ઘરે આવ્યો હતો. તેણે પીવા માટે પાણી માગ્યું હતું.
લાભુબેન પાણી લેવા ઘરમાં ગયાં ત્યારે શખસ ઘરના ફળિયામાં પ્રવેશ્યો હતો. તેણે પોતે આરોગ્ય શાખામાંથી આવ્યો હોવાનું કહી મચ્છરનાશક દવા છાંટવાની વાત કરી હતી. ત્યારબાદ ફળિયામાં આવેલી ચોકડી અને છોડનાં કુંડાં પાસે દવા છાંટવાનો દેખાવ કર્યો હતો.આ દરમિયાન બીજો શખસ પણ ત્યાં આવી પહોંચ્યો હતો અને બંનેએ સાથે મળીને દવા છાંટવાનું નાટક કર્યું હતું.
વૃદ્ધ દંપતીના ચહેરા પર સ્પ્રે છાંટ્યાનો આક્ષેપ
ફરિયાદમાં જણાવ્યા અનુસાર, બંને શખસોએ અચાનક વૃદ્ધ દંપતીના ચહેરા પર સ્પ્રે છાંટ્યો હતો. તેના કારણે દંપતી અસ્વસ્થ થઈ ગયું હતું અને તાત્કાલિક પ્રતિકાર કરી શક્યું નહોતું. આ તકનો લાભ લઈને આરોપીઓએ વૃદ્ધાના ગળામાં પહેરેલી સોનાની તુલસીની માળામાંથી સોનાનાં કવર કાઢી લીધાં હોવાનો આક્ષેપ છે.
જ્યારે આશરે રૂ. 90 હજારની કિંમતનાં સોનાનાં કવર ગાયબ હોવાનું સામે આવ્યું હતું.બનાવની જાણ થતાં લાભુબેને તેમના પુત્ર ગિરીશભાઈ કણસાગરાને ફોન કરીને ઘરે બોલાવ્યા હતા અને સમગ્ર ઘટનાની જાણ કરી હતી.
પોલીસ તપાસમાં જૂનાગઢના બે શખસોની ધરપકડ
આ ઘટનાને લઈને ગિરીશભાઈએ પાટણવાવ પોલીસ સ્ટેશનમાં (Patanvav Police) ફરિયાદ નોંધાવી હતી. ફરિયાદના આધારે પોલીસે તપાસ શરૂ કરી હતી. ટેક્નિકલ માહિતી અને અન્ય બાતમીના આધારે પોલીસે અંકલેશ પોદરા અને સાજનકુમાર જયસ્વાલ નામના બે શખસોને ઝડપી લીધા હતા.
પોલીસે બંને પાસેથી બે મોબાઇલ ફોન, એક બાઇક, સોના-ચાંદીની (Gold Jewellery Robbery) ધાતુ સાફ કરવા માટે વપરાતું લિક્વિડ, સોનાનો ઢાળિયો સહિત અંદાજે રૂ. 1.40 લાખનો મુદ્દામાલ કબજે કર્યો હોવાનું જાણવા મળ્યું છે.
એક આરોપી સામે અગાઉ પણ ફરિયાદ નોંધાયેલી હોવાની માહિતી
પોલીસ તપાસ દરમિયાન અંકલેશ પોદરા સામે વર્ષ 2023માં ભેંસાણ પોલીસ સ્ટેશનમાં છેતરપિંડી અંગે ફરિયાદ નોંધાઈ હોવાનું પણ સામે આવ્યું છે. હાલ પોલીસે સમગ્ર મામલે કાયદેસરની (Robbery Case) કાર્યવાહી હાથ ધરી છે.
વૃદ્ધ નાગરિકોને આરોગ્ય વિભાગ કે અન્ય સરકારી કર્મચારી હોવાની ઓળખ આપીને ઘરે આવતા અજાણ્યા લોકો અંગે સાવચેત રહેવું જરૂરી છે. કોઈ વ્યક્તિની ઓળખ અંગે શંકા હોય તો સંબંધિત વિભાગનો સંપર્ક કરીને ખાતરી કર્યા બાદ જ ઘરમાં પ્રવેશ આપવો.
આ પણ વાંચો: ફરિયાદીની કંપનીનો પૂર્વ કર્મી નીકળ્યો લૂંટનો માસ્ટરમાઈન્ડ, કરોડોના સોનાની લૂંટનો આરોપી ઝડપાયો
આ પણ વાંચો: ખાનગી હોસ્પિટલોની લૂંટ સામે કેન્દ્રની લાલ આંખ
આ પણ વાંચો: ભાવનગરમાં ડિજિટલ લૂંટારૂઓની ‘સર્જિકલ સ્ટ્રાઈક’
