Vadodara News: વડોદરા સેન્ટ્રલ જેલમાં એક દુઃખદ ઘટના બની છે. ચેક રિટર્ન કેસમાં દોષિત ઠરાવીને સજા કાપી રહેલા ૫૨ વર્ષીય કેદી (Prisoner) પ્રિતેશ કાંતિલાલ જાધવનું અચાનક તબિયત બગડતા મોત નીપજ્યું છે. આ ઘટનાએ જેલ પ્રશાસનમાં દોડધામ મચાવી દીધી છે અને કેદીઓ (Prisoner)ની આરોગ્ય વ્યવસ્થા પર ફરીથી સવાલો ઉભા કર્યા છે. જેલ અધિકારીઓએ તાત્કાલિક તેમને સયાજી હોસ્પિટલમાં દાખલ કર્યા હતા, પરંતુ સારવાર દરમિયાન તેમનું અવસાન થયું. હાલમાં મૃતદેહ (Dead body)ને પોસ્ટમોર્ટમ (Postmortem) માટે મોકલવામાં આવ્યો છે અને વધુ તપાસ ચાલુ છે.
કોર્ટે કેદી (Prisoner)ને 1.5 વર્ષની સજાનો આપ્યો હતો આદેશ
ગતરોજ એટલે કે 5 જાન્યુઆરીએ વડોદરા કોર્ટે પ્રિતેશ જાધવને ચેક રિટર્ન કેસમાં દોષિત ઠરાવ્યા હતા. કોર્ટે તેમને 1.5 વર્ષની સજા અને 1.50 લાખ રૂપિયાના દંડનો આદેશ આપ્યો હતો. આ કેસમાં પ્રિતેશ જાધવ પર આરોપ હતો કે તેમણે અપર્યાપ્ત બેલેન્સને કારણે ચેક આપ્યો હતો જે પાછો ફરી આવ્યો હતો.
જેલમાં પ્રવેશ કર્યાના માત્ર બીજા જ દિવસે, એટલે કે આજે સવારે, કેદી (Prisoner) પ્રિતેશ જાધવની તબિયત અચાનક લથડી હતી. જેલના મેડિકલ સ્ટાફે તાત્કાલિક તપાસ કરી અને તેમને સયાજી હોસ્પિટલમાં ખસેડ્યા હતા. હોસ્પિટલના સૂત્રો અનુસાર, તેમને તીવ્ર તકલીફ હતી જેમાં શ્વાસ લેવામાં મુશ્કેલી અને હાર્ટ સંબંધિત સમસ્યાઓના લક્ષણો જોવા મળ્યા હતા. ડોક્ટરોએ તેમને ICUમાં દાખલ કરીને સારવાર શરૂ કરી, પરંતુ થોડા કલાકોમાં જ તેમનું મોત થયું. પ્રાથમિક અંદાજ મુજબ, આ મોત હાર્ટ અટેક અથવા અન્ય આરોગ્ય સમસ્યાને કારણે થયું હોઈ શકે છે, પરંતુ પોસ્ટમોર્ટમ રિપોર્ટ આવ્યા બાદ જ ચોક્કસ કારણ જાણી શકાશે.
આ પણ વાંચો:જેલના કેદીઓ હવેથી હાજરીમાં ગડબડ નહીં કરી શકે, દરરોજ માહિતી થશે રેકોર્ડ
આ પણ વાંચો:વડોદરા/ સેન્ટ્રલ જેલમાં ફરીથી હાથ લાગ્યા મોબાઇલ, કુલ ૫ મોબાઈલ મળી આવ્યા
આ પણ વાંચો:વડોદરા જેલમાં છલકાયું ભાઈ બહેનનું હેત | કરાઈ રક્ષાપર્વની લાગણીસભર ઉજવણી
