Vadodra News:વડોદરા શહેરના ફાયર બ્રિગેડ વિભાગમાં સાધનોની ખરીદીને લગતું મસમોટું કૌભાંડ સામે આવ્યું છે, જેના કારણે રાજ્યભરમાં ચકચાર મચી ગઈ છે. આ કૌભાંડમાં ફાયર વિભાગના અધિકારીઓ દ્વારા બજાર ભાવ કરતાં અનેક ગણી ઊંચી કિંમતે સાધનોની ખરીદી કરવામાં આવી હોવાનો ઘટસ્ફોટ થયો છે. આ ગંભીર ગેરરીતિના પરિણામે ત્રણ ઉચ્ચ અધિકારીઓને તાત્કાલિક અસરથી સસ્પેન્ડ કરવામાં આવ્યા છે, અને મામલાની ઊંડાણપૂર્વક તપાસ માટે એન્ટી-કરપ્શન બ્યુરો (ACB)ની સંભવિત ભૂમિકાની ચર્ચા ચાલી રહી છે.
વડોદરા મ્યુનિસિપલ કોર્પોરેશન (VMC)ના ફાયર બ્રિગેડ વિભાગે આગની ઘટનાઓને નિયંત્રણમાં લેવા અદ્યતન ટેકનોલોજીથી સજ્જ સાધનોની ખરીદી માટે કરોડો રૂપિયાનું બજેટ ફાળવ્યું હતું. જોકે, જ્યારે આ સાધનોની ખરીદીના બિલ મંજૂરી માટે મોકલવામાં આવ્યા, ત્યારે તેમની અસાધારણ ઊંચી કિંમતે શંકા ઉભી થઈ. પ્રાથમિક તપાસમાં જાણવા મળ્યું કે આ સાધનો બજાર ભાવ કરતાં અનેક ગણા વધુ ખર્ચે, એટલે કે 3.17 કરોડ રૂપિયાના ખર્ચે ખરીદવામાં આવ્યા હતા.
મ્યુનિસિપલ કમિશનરે આ મામલે તાત્કાલિક એક ખાસ તપાસ ટીમની રચના કરી, જેણે ઝીણવટભરી તપાસ હાથ ધરી. તપાસમાં ચોંકાવનારી હકીકત સામે આવી કે ફાયર વિભાગના ઉચ્ચ અધિકારીઓએ જ ખરીદી પ્રક્રિયામાં ગેરરીતિ આચરી હતી. આ ગોટાળામાં સાધનોની કિંમતોમાં ઉંચો ફેરફાર કરીને નાણાકીય ગેરલાભ લેવામાં આવ્યો હોવાનું બહાર આવ્યું.
આ કૌભાંડની ગંભીરતાને ધ્યાનમાં રાખીને તંત્રએ તાત્કાલિક કાર્યવાહી હાથ ધરી. આરોગ્ય અમલદાર, ચીફ ફાયર ઓફિસર અને ડેપ્યુટી ચીફ ફાયર ઓફિસર નૈતિક ભટ્ટને તાત્કાલિક અસરથી સસ્પેન્ડ કરવામાં આવ્યા. આ ઉપરાંત, મામલાની વધુ ઊંડાણભરી તપાસ માટે સરકાર સમક્ષ પત્ર લખીને ACB તપાસની મંજૂરી માંગવામાં આવી છે.
આ પણ વાંચો:વડોદરામાં વિશ્વામિત્રી પછી હવે અમદાવાદના ધોળકામાં રોડ પર મગર
આ પણ વાંચો:લો બોલો! મગર હવે સ્કૂટર પર સવાર…વડોદરામાં મહાકાય મગરનો ત્રાસ યથાવત્
આ પણ વાંચો:વડોદરામાં વિશાળકાય મગરને જોતાં જ લોકોના શ્વાસ અદ્ધર…
