Valsad News: વલસાડ શહેરમાં સતત વરસી રહેલા ભારે વરસાદના (Valsad Flood ) કારણે અનેક નીચાણવાળા વિસ્તારોમાં પાણી ભરાવાની સ્થિતિ સર્જાઈ છે. આ દરમિયાન પાલીહિલ વિસ્તાર પાછળ આવેલા એસટીપી (STP Plant Workers Rescue) પ્લાન્ટમાં પાણી ઘૂસી જતાં ત્યાં કામ કરી રહેલા ત્રણ મજૂરો ફસાઈ ગયા હતા. ઘટનાની જાણ થતાં જ NDRFની ટીમે તાત્કાલિક બચાવ કામગીરી (NDRF Rescue) હાથ ધરી હતી.
પાણી ભરાવાથી STP પ્લાન્ટમાં ફસાયા મજૂરો
ભારે વરસાદના કારણે STP પ્લાન્ટમાં અચાનક પાણીનું (Valsad Flood) સ્તર વધી ગયું હતું. પાણી ભરાતા અંદર કામ કરી રહેલા ત્રણ મજૂરો બહાર નીકળી શક્યા નહોતા અને સુરક્ષિત સ્થળે ફસાઈ ગયા હતા.
NDRFની ટીમે તાત્કાલિક શરૂ કરી બચાવ કામગીરી
ઘટનાની જાણ થતાં જ NDRFની ટીમ જરૂરી બચાવ સાધનો (Valsad Flood) સાથે સ્થળ પર પહોંચી હતી. પરિસ્થિતિનું મૂલ્યાંકન કર્યા બાદ ટીમે સુનિયોજિત રીતે રેસ્ક્યુ ઓપરેશન શરૂ કર્યું અને પાણી વચ્ચે ફસાયેલા મજૂરો સુધી પહોંચી હતી.NDRFના જવાનોએ ભારે જહેમત બાદ ત્રણેય મજૂરોને કોઈપણ પ્રકારની ઈજા વિના સુરક્ષિત રીતે બહાર કાઢ્યા હતા. સમયસર હાથ ધરાયેલી આ કામગીરીને કારણે મોટી દુર્ઘટના ટળી હોવાનું માનવામાં આવી રહ્યું છે.
સ્થાનિકોએ NDRFની કામગીરીને બિરદાવી
રેસ્ક્યુ ઓપરેશન સફળતાપૂર્વક પૂર્ણ થતાં સ્થાનિક રહેવાસીઓ અને અધિકારીઓએ NDRFની ઝડપી કાર્યવાહી અને વ્યાવસાયિક કામગીરીની પ્રશંસા કરી હતી. ભારે વરસાદની વિકટ પરિસ્થિતિમાં ટીમે સમયસૂચકતા દાખવી ત્રણ લોકોનો જીવ બચાવ્યો.
વરસાદી પરિસ્થિતિ વચ્ચે સતર્ક રહેવાની અપીલ
ભારે વરસાદને પગલે વહીવટી તંત્રએ નાગરિકોને નીચાણવાળા (Valsad Flood) વિસ્તારો, પાણી ભરાયેલા સ્થળો અને જોખમી વિસ્તારોમાં જવાનું ટાળવાની અપીલ કરી છે. વરસાદી પરિસ્થિતિને ધ્યાનમાં રાખીને જરૂરી સાવચેતી રાખવા અને તંત્રની સૂચનાઓનું પાલન કરવા પણ અનુરોધ કરવામાં આવ્યો છે.
આ પણ વાંચો: વડોદરામાં વરસાદે મચાવ્યો કહેર, વિશ્વામિત્રી નદીના મગર વસ્તીમાં ફરવા નીકળ્યા
આ પણ વાંચો: ખેડૂતોને રાહતઃ કમોસમી વરસાદથી થયેલા નુકસાનનું વળતર ચૂકવવાનો પ્રારંભ
આ પણ વાંચો: પંચમહાલ, અમરેલી અને ભાવનગરમાં ભારે અને અમદાવાદ-ગાંધીનગરમાં મધ્યમ વરસાદની આગાહી
