Valsad News:વલસાડ જિલ્લાના વાપી નજીક ઉદવાડા વિસ્તારમાં ભારતની અત્યાધુનિક અને હાઈ-સ્પીડ ટ્રેન ‘વંદે ભારત એક્સપ્રેસ’ પર પથ્થરમારા (Stone Pelting)ની ગંભીર ઘટના બની હતી. આ ઘટનામાં રેલવે પ્રોટેક્શન ફોર્સ (RPF) એ ઝડપી તપાસ હાથ ધરીને માત્ર થોડા જ દિવસોમાં બે આરોપીઓને ધરપકડ કરી છે. આ કાર્યવાહીએ રેલવે સુરક્ષા અને તપાસ વ્યવસ્થાની કાર્યક્ષમતા દર્શાવી છે.
સત્યેન્દ્ર દ્વારા ટ્રેન પર પથ્થર ફેંક્યા હોવાની કબૂલાત કરાઇ
27 જાન્યુઆરી, 2026ના રોજ વંદે ભારત એક્સપ્રેસ (ગાડી નંબર 22962) વાપી અને ઉદવાડા વચ્ચે પસાર થઈ રહી હતી ત્યારે અજાણ્યા વ્યક્તિઓએ ટ્રેન પર પથ્થરો ફેંક્યા હતા. આ પથ્થરમારા (Stone Pelting)થી ટ્રેનના કેટલાક કોચને નુકસાન થયું હોવાની શક્યતા છે, જોકે મુસાફરોને કોઈ ઈજા થઈ નથી. આ ઘટનાએ મુસાફરોમાં ભય અને અસુરક્ષાની લાગણી જગાવી હતી, કારણ કે વંદે ભારત જેવી હાઈ-સ્પીડ અને અદ્યતન ટ્રેન પર આવા હુમલા ખૂબ જ ગંભીર બાબત છે.
ટ્રેન અને એન્જીનના CCTV મેળવી હાથ ધરાઈ હતી તપાસ
ઘટનાની તાત્કાલિક જાણ થતાં જ RPFની ટીમે તપાસ શરૂ કરી દીધી. ટ્રેન અને એન્જિનમાં લાગેલા CCTV કેમેરાના ફૂટેજ મેળવવામાં આવ્યા. આ ફૂટેજમાં બે વ્યક્તિઓ શંકાસ્પદ રીતે દેખાતા હોવાનું જોવા મળ્યું. CCTV ફૂટેજના આધારે તેમજ સ્થાનિક બાતમીદારો અને સર્વેલન્સની મદદથી આરોપીઓનું લોકેશન ટ્રેક કરવામાં આવ્યું. જેમાં સતેન્દ્ર કુમાર ઉર્ફે છોટુ અને શ્રીપાલ શિવનરેશની ધરપકડ કરવામાં આવી છે. ધરપકડ દરમિયાન સતેન્દ્રએ પોતાના જુબાનીમાં વંદે ભારત ટ્રેન પર પથ્થર ફેંક્યા (Stone Pelting)ની કબૂલાત કરી છે.
આ પણ વાંચો:સુરતથી રાતે અયોધ્યા જવા નીકળેલી આસ્થા ટ્રેન પર મહારાષ્ટ્રનાં નંદુરબાર સ્ટેશન પર પથ્થરમારો
આ પણ વાંચો:રાજકોટમાં અસામાજિક તત્વોનો આતંક યથાવત,બસ પર પથ્થરમારો, ડ્રાઇવર ઘાયલ
આ પણ વાંચો:અમદાવાદમા 2 ટોળાઓ વચ્ચે જૂથ અથડામણ, થયો પથ્થરમારો
