વરૂણ ધવન અને સારા અલી ખાનની ફિલ્મ કૂલી નંબર 1 નું ટ્રેલર રિલીઝ થઈ ગયું છે. ફિલ્મનું ટ્રેલર કોમેડીથી ભરપુર છે. ટ્રેલરમાં વરૂણ ધવનની કોમિક ટાઇમિંગ અદ્દભુત લાગે છે. તે જ સમયે સારા અલી ખાનની કોમેડી અને ક્યુટનેસ પણ ઘણી સારી લગીર રહી છે.
ટ્રેલર જોતાં ખબર પડે છે કે ડિરેક્ટર ડેવિડ ધવનને ફિલ્મ મનોરંજન માટે કોઈ કસર બાકી નથી રાખી. ફિલ્મનું પિક્ચરાઈઝેશન આશ્ચર્યજનક છે. વરુણ ધવન જુદા જુદા પાત્રોમાં જોવા મળી રહ્યો છે. પરેશ રાવલ સારા અલી ખાનના પિતાનો રોલ કરે છે. તે જ સમયે, જોની લિવર કોમેડી પણ હસવા પર મજબૂર કરે છે.
આપને જાણવી દઈએ કે, આ ફિલ્મ 1 મેના રોજ થિયેટરોમાં રિલીઝ થવાની હતી, પરંતુ કોરોના વાયરસના કારણે મુલતવી રાખવામાં આવી હતી. તાજેતરમાં જ નિર્માતાઓએ એમેઝોન પ્રાઇમ પર ઓટીટી પ્લેટફોર્મ પર ફિલ્મ રિલીઝ કરવાનું નક્કી કર્યું છે.
આ ફિલ્મમાં પરેશ રાવલ, જાવેદ જાફરી, જોની લિવર અને રાજપાલ યાદવ સાથે અન્ય કલાકારો પણ જોવા મળશે. આ ફિલ્મનું નિર્માણ વશુ ભગનાની, જેકી ભગનાની અને દીપશિખા દેશમુખ દ્વારા કરવામાં આવ્યું છે. કૂલી નંબર 1 ફિલ્મ 25 ડિસેમ્બર 2020 ના રોજ એમેઝોન પ્રાઇમ વિડીયો પર રિલીઝ થશે.
આ ફિલ્મ 1995 ની કૂલી નંબર 1 ની રીમેક છે. આ ફિલ્મમાં ગોવિંદા અને કરિશ્મા કપૂર મુખ્ય ભૂમિકામાં હતા. આ ફિલ્મનું નિર્દેશન ડેવિડ ધવન દ્વારા જ કરવામાં આવ્યું હતું. જો કે વરુણે એક ઇન્ટરવ્યુમાં કહ્યું હતું કે આ ફિલ્મ જૂની કરતા ઘણી અલગ હશે.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
