Ahmedabad News : ગુજરાત હાઈકોર્ટની વર્ચ્યુઅલ કાર્યવાહીમાં હાજરી આપનાર એક વ્યક્તિ શૌચાલયમાં બેસીને શૌચક્રિયા કરતો દેખાતો વીડિયો સોશિયલ મીડિયા પર વાયરલ થયો છે.આ ઘટના 20 જૂનના રોજ જસ્ટિસ નિરઝર એસ દેસાઈની બેન્ચ સમક્ષ બની હતી . આ વીડિયોમાં શરૂઆતમાં ‘સમાદ બેટરી’ તરીકે લોગ ઇન થયેલા વ્યક્તિનો ક્લોઝઅપ દર્શાવવામાં આવ્યો છે, જેણે તેના ગળામાં બ્લૂટૂથ ઇયરફોન પહેર્યો છે.
ત્યારબાદ તે પોતાનો ફોન દૂર રાખેલો જોવા મળે છે, જે દર્શાવે છે કે તે ટોઇલેટ પર બેઠો છે. વિડિઓમાં તે પોતાને સાફ કરતો અને પછી વોશરૂમમાંથી બહાર નીકળતો જોવા મળે છે. પછી તે થોડા સમય માટે સ્ક્રીનની બહાર જાય છે અને ફરીથી એક રૂમમાં દેખાય છે
કોર્ટના રેકોર્ડ મુજબ, તે વ્યક્તિ પ્રથમ માહિતી અહેવાલ (FIR) રદ કરવાની માંગણી કરતા કેસમાં પ્રતિવાદી તરીકે હાજર થઈ રહ્યો હતો. તે ફોજદારી કેસમાં ફરિયાદી હતો. પક્ષકારો વચ્ચેના મૈત્રીપૂર્ણ સમાધાન બાદ, કોર્ટે FIR રદ કરી.ઓનલાઈન કોર્ટ કાર્યવાહી દરમિયાન અયોગ્ય વર્તનનો આ પહેલો કિસ્સો નથી.
ગુજરાત હાઈકોર્ટે એપ્રિલમાં એક અરજદારને વીડિયો કોન્ફરન્સિંગ દ્વારા હાજર થતી વખતે સિગારેટ પીતા પકડાયા બાદ ₹50,000 નો દંડ ફટકાર્યો હતો .તેવી જ રીતે, દિલ્હીની એક કોર્ટે માર્ચમાં એક અરજદારને સમન્સ પાઠવ્યું હતું, જે વીડિયો કોન્ફરન્સ દ્વારા તેના કેસમાં હાજર રહેતી વખતે સિગારેટ પીતો જોવા મળ્યો હતો.
આ પણ વાંચો:ઉત્તર પ્રદેશના અમરોહામાં બાળકોથી ભરેલી સ્કૂલ વાન પર ફાયરિંગ અને પથ્થરમારો
આ પણ વાંચો:અમદાવાદમાં સ્કૂલ વાનને નડ્યો અકસ્માતઃ જાનહાનિ નહીં
