નવા રાષ્ટ્રપતિના શપથ પહેલા તાઈવાનની સંસદમાં થઇ મુક્કાબાજી,જુઓ વીડિયો

ઈવાનમાં નવા રાષ્ટ્રપતિ લાઈ ચિંગ તેના શપથ ગ્રહણના બે દિવસ પહેલા દેશની સંસદમાં ચીન તરફી વિપક્ષના પ્રસ્તાવને લઈને ભારે હોબાળો થયો હતો. શુક્રવારે તાઈવાનની સંસદમાં સાંસદો સ્પીકરની સીટ-ટેબલ પર ચઢી ગયા અને એકબીજાને જમીન પર ફેંકવા લાગ્યા. આ દરમિયાન લાતો અને મુક્કા મારવાની ઘટનાઓ પણ બની હતી. કેટલાક સાંસદો સ્પીકરની સીટ પર ચડીને એકબીજાને ખેંચતા અને મારતા જોવા મળ્યા હતા.

આ દરમિયાન સાંસદ બિલ સાથે સંબંધિત દસ્તાવેજો લઈને ગૃહમાંથી ભાગી ગયા હતા. હકીકતમાં, તાઈવાનની સંસદમાં એક પ્રસ્તાવ લાવવામાં આવ્યો છે, જે અંતર્ગત સરકારના કામકાજ પર નજર રાખવા માટે ચીન તરફી વિપક્ષી સાંસદોને વધુ સત્તા આપવાનું કહેવામાં આવ્યું છે. આ સિવાય સંસદમાં ખોટા નિવેદનો આપવા બદલ સરકારી અધિકારીઓ સામે ફોજદારી કેસ નોંધવામાં આવશે.

Seorang anggota parlemen Taiwan dengan cepat mengambil rancangan undang-undang untuk mencegahnya disahkan undang undang tersebut. pic.twitter.com/mp1ujhhBf5

— Es Teh (@EsTeh__28) May 18, 2024

વાસ્તવમાં, 20 મેના રોજ, તાઈવાનના નવા રાષ્ટ્રપતિ લાઈ ચિંગ તે પદના શપથ લેવા જઈ રહ્યા છે. જો કે તેમની પાર્ટી ડીપીપી પાસે સંસદમાં બહુમતી નથી. તાઈવાનની મુખ્ય વિપક્ષી પાર્ટી KMT પાસે DPP કરતા વધુ બેઠકો છે. તેમ છતાં બહુમતમાં આવવા માટે તેણે તાઈવાન પીપલ્સ પાર્ટી (ટીપીપી) સાથે ગઠબંધન કરવું પડશે. અલ જઝીરાના જણાવ્યા અનુસાર, આ બિલ પર વોટિંગ પહેલા, નવા રાષ્ટ્રપતિ ચિંગ તેહની ડેમોક્રેટિક પ્રોગ્રેસિવ પાર્ટી (DPP) અને ચીન તરફી વિરોધ પક્ષ કુઓમિન્તાંગ (KMT) પાર્ટીના લોકો વચ્ચે ઘર્ષણ થયું હતું. જ્યારે સાંસદો ગૃહમાં પહોંચ્યા તો એકબીજા પર લડાઈના આરોપો લગાવવા લાગ્યા. ન્યૂઝ એજન્સી રોઈટર્સ અનુસાર, બહુમતીમાં હોવાને કારણે વિપક્ષી પાર્ટી સરકાર પર નજર રાખવા માટે સંસદમાં પોતાના સભ્યોને વધુ સત્તા આપવા માગે છે.

તે જ સમયે, ચિંગ તેહની પાર્ટી ડીપીપીનો આરોપ છે કે ચીનનો મજબૂત વિપક્ષ આ બિલને સંસદમાં પસાર કરાવવા માટે દબાણ કરવાનો પ્રયાસ કરી રહ્યો છે, જે બંધારણનું ઉલ્લંઘન છે. ડીપીપી સાંસદોની માંગ છે કે પહેલા બિલ પર પ્રક્રિયા મુજબ ચર્ચા થવી જોઈએ. વિપક્ષનો આરોપ છે કે ડીપીપી આ બિલને પસાર થવા દેવા માંગતી નથી, જેથી તે પોતાની સત્તાનો દુરુપયોગ કરી શકે.

તમને જણાવી દઈએ કે તાઈવાનમાં આ વર્ષે જાન્યુઆરીમાં રાષ્ટ્રપતિની ચૂંટણી યોજાઈ હતી. આમાં શાસક પક્ષના નેતા વિલિયમ લાઈ ચિંગ-તેની જીત થઈ હતી. આ એ જ નેતા છે જેમને વોટિંગ પહેલા ચીને ખતરનાક અલગતાવાદી ગણાવ્યા હતા. ચૂંટણી પહેલા, ચીને મતદારોને ચેતવણી આપી હતી કે જો તેઓ લશ્કરી સંઘર્ષ ટાળવા માંગતા હોય તો યોગ્ય પસંદગી કરો.