કઝાકિસ્તાનમાં અસાધારણ હિંસક પ્રદર્શનો દરમિયાન સુરક્ષા દળોએ ડઝનેક વિરોધીઓને માર્યા ગયા અને 12 પોલીસના મોત થયા હતા, જેમાં સરકારી ઈમારતો પર હુમલો થયો અને આગ લગાવવાના બનાવો બન્યા હતા. અધિકારીઓએ ગુરુવારે જણાવ્યું હતું. મધ્ય એશિયાઈ રાષ્ટ્રમાં સરમુખત્યારશાહી શાસન સામે વધતી જતી અશાંતિમાં એક પોલીસ અધિકારીનું માથું કાપી નાખવામાં આવ્યું હતું.રશિયાની સ્પુટનિક સમાચાર સેવાએ અહેવાલ આપ્યો છે કે પોલીસે શહેરમાં લગભગ 200 વિરોધીઓના એક જૂથને ઘેરી લેતા ગોળી ચલાવવામાં આવી હતી. ગૃહ મંત્રાલયે જણાવ્યું હતું કે, અત્યાર સુધીમાં 2,000 લોકોની ધરપકડ કરવામાં આવી છે.
છેલ્લા ઘણા અઠવાડિયાથી મોંઘવારી મુદ્દે લોકોના વિરોધનો સામનો કરી રહેલી કઝાકિસ્તાનની સરકારે બુધવારે રાજીનામું આપી દીધું છે. વિરોધ ચાલુ રહ્યો છે અને ગુરુવારે, પોલીસ અને સૈન્ય સાથેની અથડામણમાં ઘણા વિરોધીઓ માર્યા ગયા. સરકારે રાજીનામું આપ્યા પછી પણ કઝાકિસ્તાનમાં વિરોધ ચાલુ રહ્યો છે.
આ પ્રદર્શનો એટલા હિંસક બની ગયા હતા કે દેશના સૌથી મોટા શહેર અલ્માટીમાં દેખાવકારો અને પોલીસકર્મીઓ વચ્ચે ઘણી હિંસક અથડામણો થઈ હતી. પોલીસના જણાવ્યા અનુસાર, ઘણા પ્રદર્શનકારીઓ તેમની ઓફિસમાં ઘૂસવાનો પ્રયાસ કરી રહ્યા હતા, જે બાદ અથડામણમાં તેઓ માર્યા ગયા હતા. ન્યૂઝ એજન્સી રોયટર્સ અનુસાર, સતત ત્રીજા દિવસે સેંકડો પ્રદર્શનકારીઓ અલ્માટીના મુખ્ય ચોકમાં સરકાર વિરુદ્ધ એકત્ર થયા હતા. ગુરુવારે સવારે સશસ્ત્ર પોલીસકર્મીઓ અને ડઝનબંધ સૈનિકો ઘટનાસ્થળે પહોંચ્યા હતા. રોઇટર્સ સાથે વાત કરનારા સાક્ષીઓએ જણાવ્યું હતું કે સુરક્ષા કર્મચારીઓ ભીડની નજીક પહોંચ્યા પછી ગોળીબાર કરવામાં આવ્યો હતો, કઝાકિસ્તાનમાં કેટલાક અઠવાડિયાથી મોંઘવારી સામે વિરોધ પ્રદર્શન ચાલી રહ્યા છે. મંગળવારે સત્તાવાળાઓએ એલપીજીની કિંમતો પરની મર્યાદા હટાવ્યા પછી વિરોધ વધુ તીવ્ર બન્યો, જેના કારણે ઇંધણના ભાવમાં તીવ્ર વધારો થયો.અને આ મોઘવારી મામલે હિંસા થઇ હતી.