ઉત્તર પ્રદેશ વિધાનસભા ચૂંટણીના છઠ્ઠા તબક્કા માટે ગુરુવારે મુખ્યમંત્રી યોગી આદિત્યનાથના મતવિસ્તાર ગોરખપુર સહિત 10 જિલ્લાની 57 વિધાનસભા મતવિસ્તારોમાં મતદાન થશે. રાજ્યના મુખ્ય ચૂંટણી અધિકારી અજય કુમાર શુક્લાએ જણાવ્યું કે, છઠ્ઠા તબક્કાની ચૂંટણી માટે તમામ તૈયારીઓ પૂર્ણ કરી લેવામાં આવી છે. તેમણે કહ્યું કે મતદાન ગુરુવારે સવારે 7:00 વાગ્યાથી શરૂ થશે અને સાંજે 6 વાગ્યા સુધી ચાલશે.
આ પણ વાંચો:યુક્રેનમાં બીજા ભારતીયનું મોત, પંજાબના ચંદનનું બીમારીના કારણે મોત
તેમણે કહ્યું કે 3 માર્ચે ચૂંટણી મુક્ત, નિષ્પક્ષ અને પારદર્શી રીતે યોજવા માટે જરૂરી વ્યવસ્થા કરવા સૂચના આપવામાં આવી છે. આ તબક્કામાં બે કરોડ 14 લાખથી વધુ મતદારો તેમના મતાધિકારનો ઉપયોગ કરી શકશે.
માહિતી અનુસાર, 2017ની વિધાનસભા ચૂંટણીમાં આ 57માંથી 46 બેઠકો ભાજપે અને બે તેના સહયોગી અપના દળ અને સુહેલદેવ ભારતીય સમાજ પાર્ટી (SubhSP)એ જીતી હતી. જોકે, આ વખતે સુભાસપા સમાજવાદી પાર્ટી સાથે ગઠબંધન કરીને ચૂંટણી લડી રહી છે.
છઠ્ઠા તબક્કાના દસ જિલ્લાઓમાં આંબેડકર નગર, બલરામપુર, સિદ્ધાર્થનગર, બસ્તી, સંત કબીર નગર, મહારાજગંજ, ગોરખપુર, કુશીનગર, દેવરિયા અને બલિયા જિલ્લાની 57 વિધાનસભા બેઠકો પર 3 માર્ચે સવારે 7 વાગ્યાથી સાંજે 6 વાગ્યા સુધી મતદાન થશે.
આ પણ વાંચો:મહારાષ્ટ્રમાં ઉદ્ધવ સરકારને ઘેરવાની ભાજપની તૈયારી, નવાબ મલિકનો મુદ્દો ગૃહમાં ગુંજશે
આ પણ વાંચો:યુક્રેન સંકટ અંગે પીએમ મોદી અને ફ્રાન્સના રાષ્ટ્રપતિ વચ્ચે વાત
