ઉત્તર ભારતમાં છેલ્લા ઘણા દિવસોથી નીકળેલા તડકાનાં કારણે એવું અનુમાન લગાવવામાં આવી રહ્યું હતું કે ટૂંક સમયમાં જ દેશમાંથી ઠંડી વિદાય લેશે, પરંતુ ગઈકાલે એટલે કે શુક્રવારે હવામાને ફરી એકવાર પોતાનો વળાંક બદલ્યો છે. હકીકતમાં, ગઈકાલે સાંજે દિલ્હી એનસીઆરના ઘણા ભાગોમાં ભારે વરસાદ પડ્યો હતો. આ દરમિયાન પવનની ગતિ પણ વધુ હતી, જેના કારણે ફરી એકવાર રાજધાનીમાં ઠંડીએ લોકોને પરેશાન કરવાનું શરૂ કર્યું છે.
આ પણ વાંચો: યુક્રેનમાં ફસાયેલા ભારતીયોનું પહેલું જૂથ બોર્ડર થઈને રોમાનિયા પહોંચ્યું, ટૂંક સમયમાં જ સ્વદેશ પરત ફરશે
દિલ્હીના દ્વારકા, ઉત્તમ નગર સહિત અનેક વિસ્તારોમાં ગઈકાલે રાત્રે ભારે વરસાદ સાથે કરા પડ્યા હતા. જો કે IMD એ પહેલા જ હવામાનમાં આ બદલાવનો ડર વ્યક્ત કર્યો હતો. હવામાન વિભાગના જણાવ્યા અનુસાર, આ વરસાદનું કારણ વેસ્ટર્ન ડિસ્ટર્બન્સ છે, જેના કારણે રાજધાનીના હવામાનમાં પલટો આવ્યો હતો અને શુક્રવારે સાંજે અને રાત્રે ભારે વરસાદ થયો હતો. તે જ સમયે, IMD અનુસાર, અહીં આજે એટલે કે શનિવારે હળવો વરસાદ પડી શકે છે અને દિવસ દરમિયાન ઠંડીનો અનુભવ થશે. રવિવારથી હવામાન ચોખ્ખું થશે.
આ રાજ્યોમાં હળવો વરસાદ
હવામાન વિભાગના જણાવ્યા અનુસાર, ઉત્તર ભારતના ભાગોમાં વેસ્ટર્ન ડિસ્ટર્બન્સ છે, જેના કારણે આજે પંજાબ, રાજસ્થાન અને મધ્યપ્રદેશમાં હળવો વરસાદ પડી શકે છે. ઉપરાંત, આ વિક્ષેપને કારણે, દક્ષિણ-પશ્ચિમ પવનો આગળ વધશે, જેના કારણે આજે ઓડિશા અને છત્તીસગઢ અને આંધ્રપ્રદેશમાં વાદળછાયું આકાશ રહેવાની સંભાવના છે. પૂર્વ અને ઉત્તરપૂર્વ ભારતના રાજ્યો પર વાદળ છવાયેલા રહી શકે છે. જેના કારણે આગામી 24 કલાક દરમિયાન અહીં હવામાન સક્રિય રહેવાની આશા છે. આ ઉપરાંત આજે દક્ષિણમાં કેરળ અને તમિલનાડુમાં પણ વરસાદ પડી શકે છે.
પહાડી વિસ્તારોમાં વરસાદ
જો IMDનું માનીએ તો વેસ્ટર્ન ડિસ્ટર્બન્સના કારણે આજે ઉત્તર ભારતના પહાડી વિસ્તારોમાં વરસાદ પડી શકે છે. જમ્મુ-કાશ્મીરમાં શ્રીનગર, ગુલમર્ગ, કુલગામ, કાઝીગુંડ, પહેલગામથી કટરા, ઉધમપુર સહિતના સરહદી વિસ્તારોમાં ભારે પવન સાથે વરસાદની સંભાવના છે.
આ સિવાય નેપાળના ઉત્તરકાશીથી લઈને અલમોડા, ઉત્તરાખંડના પિથોરાગઢ સુધીના વિસ્તારમાં વરસાદ બાદ આજે પણ ખરાબ હવામાનની સંભાવના છે. નીચાણવાળા વિસ્તારોમાં ઋષિકેશ અને હરિદ્વાર, નૈનીતાલમાં વાદળો છવાયેલા રહેશે. ગિલગિટ, બાલ્ટિસ્તાન અને મુઝફ્ફરાબાદથી લદ્દાખમાં પણ વરસાદની આગાહી છે.
આ પણ વાંચો: હુમલાની વચ્ચે રાષ્ટ્રપતિ ઝેલેન્સ્કીએ વીડિયો જાહેર કરીને કહ્યું, ભાગ્યો નથી, હું યુક્રેનની સુરક્ષા કરી રહ્યો છું
આ પણ વાંચો:ગોધરાના બે વિદ્યાર્થીઓ યુક્રેનમાં ફસાયા, પરિવારજનોએ પરત લાવવા સરકારને કરી અપીલ
