યુક્રેનના વિદેશમંત્રી દિમિત્રો કુલેબાએ શુક્રવારે તેમના ભારતીય સમકક્ષ એસ. જયશંકર અને સંયુક્ત રાષ્ટ્ર સુરક્ષા પરિષદમાં, રશિયાના હુમલાની નિંદા કરી અને તેને સમાપ્ત કરવાના ઠરાવ પર ભારતના સમર્થનની વિનંતી કરી. યુએન સુરક્ષા પરિષદ શુક્રવારે મધ્યરાત્રિ પછી ઠરાવ પર મતદાન કરાયું.
ટેલિફોનિક વાતચીતમાં, કુલેબાએ જયશંકરને યુએનના ઠરાવને સમર્થન આપવા સિવાય “લશ્કરી હુમલો” રોકવા માટે રશિયા પર ભારતના પ્રભાવનો ઉપયોગ કરવા વિનંતી કરી. જયશંકરે એક ટ્વિટમાં કહ્યું કે ભારત વર્તમાન પરિસ્થિતિનો સામનો કરવા માટે વાતચીત અને રાજદ્વારી માધ્યમોની તરફેણ કરે છે. તેમણે કહ્યું કે તેમણે યુક્રેનમાં ફસાયેલા ભારતીય નાગરિકોને બચાવવા માટે કુલેબા સાથે વાત કરી હતી.
“મને યુક્રેનના વિદેશમંત્રી દિમિત્રો કુલેબાનો ફોન આવ્યો. તેમણે વર્તમાન પરિસ્થિતિનું પોતાનું મૂલ્યાંકન શેર કર્યું. મેં ભારપૂર્વક જણાવ્યું હતું કે ઉકેલ શોધવા માટે ભારત મુત્સદ્દીગીરી અને વાતચીતને સમર્થન આપે છે.”
તેમણે વિદ્યાર્થીઓ સહિત ભારતીય નાગરિકોની સ્થિતિ વિશે ચર્ચા કરી અને સલામત સ્થળાંતરમાં તેમના સહકારની પ્રશંસા કરી. એક ટ્વિટમાં, કુલેબાએ કહ્યું કે તેમણે ભારતને વિનંતી કરી કે તેઓ રશિયા સાથેના સંબંધોમાં તેના પ્રભાવ દ્વારા યુક્રેન વિરુદ્ધ લશ્કરી કાર્યવાહીને સમાપ્ત કરવાનો પ્રયાસ કરે.
તેમણે યુક્રેનમાં શાંતિ પુનઃસ્થાપિત કરવા માટેના આજના ડ્રાફ્ટ ઠરાવને સમર્થન આપવા સંયુક્ત રાષ્ટ્ર સુરક્ષા પરિષદના અસ્થાયી સભ્ય તરીકે ભારતને વિનંતી કરી.
આ પણ વાંચો :દિલ્હીમાં હવામાને પલટો લીધો, કાશ્મીર-હિમાચલમાં વરસાદ અને હિમવર્ષા, જાણો તમારા રાજ્યોના હવામાનની સ્થિતિ
આ પણ વાંચો :યુક્રેન-પોલેન્ડ બોર્ડર પર 50 ભારતીયો ફસાયા,પોલેન્ડ સરકારે પ્રવેશ પર લગાવ્યો પ્રતિબંધ,જાણો
આ પણ વાંચો :5 રાજ્યોમાં વિધાનસભાની ચૂંટણી વચ્ચે રૂ. 1000 કરોડથી વધુ જપ્ત, પંજાબ રૂ. 510 કરોડ સાથે ટોચ પર
આ પણ વાંચો : ઓડિશાના પૂર્વ મુખ્યમંત્રી હેમાનંદ બિસ્વાલનું નિધન,PM મોદી-રાહુલ ગાંધી સહિત નેતાઓએ આપી શ્રદ્વાંજલિ
