પરિણીતી ચોપડાની ફિલ્મ ‘ધ ગર્લ ઓન ધ ટ્રેન’નું ટ્રેલર નેટફ્લિક્સ પર રિલીઝ કરવામાં આવ્યું છે. ધ ગર્લ ઓન ટ્રેન એક રહસ્યમય-રોમાંચક ફિલ્મ છે. ફિલ્મનું દિગ્દર્શન રિભુ દાસગુપ્તાએ કર્યું છે. ધ ગર્લ ઓન ટ્રેનમાં, પરિણીતી હત્યાના શંકાસ્પદની ભૂમિકા નિભાવી રહી છે.
પરિણીતી ચોપડાની ફિલ્મ ધ ગર્લ ઓન ટ્રેનનાં ચાહકો આતુરતાથી રાહ જોઇ રહ્યા છે. આ ફિલ્મ નેટફ્લિક્સ પર રિલીઝ થવા જઈ રહી છે. ફિલ્મનું ટ્રેલર રિલીઝ કરવામાં આવ્યું છે. હવે ચાહકોની ફિલ્મ અંગે ઉત્તેજના વધી ગઈ છે. આ ફિલ્મમાં પરિણીતી ચોપડા મીરા કપૂરની ભૂમિકામાં જોવા મળી રહી છે. ભૂતકાળમાં ખોવાયેલી મીરા સાથે કંઈક એવું થાય છે, જેને તે ભૂલવાની બીમારીને કારણે યાદ કરવામાં અક્ષમ છે અને પોલીસ તેની પાછળ પડી રહી છે.
2 મિનિટ 15 સેકંડના ટ્રેલરમાં એક કહાની બતાવવામાં આવી છે. જેમાં મીરા રોજ ટ્રેનમાં મુસાફરી કરે છે અને રસ્તામાં એક દંપતી તરફ નજર કરી રહી છે, જેને જોઈને તે પોતાનો ભૂતકાળ યાદ કરે છે. પરંતુ એક દિવસ તે છોકરી હત્યા થઇ જાય તેના તાર મીરા સાથે જોડાયેલા દેખાય છે. પોલીસ હત્યારાની શોધમાં મીરા પહોંચે છે. ભૂલવાની બીમારી હોવાને કારણે મીરાને કંઇ યાદ નથી. તે ઘણી વસ્તુઓ યાદ રાખી શકતી નથી.
ફિલ્મમાં, અદિતિ રાવ હૈદરી, અવિનાશ તિવારી અને કૃતિ કુલ્હારી પરણીતિની સાથે મહત્વપૂર્ણ ભૂમિકા ભજવતા જોવા મળશે. 2015 માં આ જ નામથી આવેલી ફિલ્મનું અપડેશન છે. આ હત્યાનું રહસ્ય બહાર આવે છે કે નહીં અને કાતિલ ખૂની કોણ છે, તે જાણવા માટે ફિલ્મ આવવાની રાહ જોવી પડશે. આ ફિલ્મ 26 ફેબ્રુઆરીએ રિલીઝ થઈ રહી છે.
ટ્રેલરને સોશિયલ મીડિયા પર સારો પ્રતિસાદ મળી રહ્યો છે. પરિણીતીના આ અવતારને ચાહકો પસંદ કરી રહ્યા છે. આ સાથે જ તેની અભિનયની પણ પ્રશંસા થઈ રહી છે.