ગોવર્ધન અથવા અન્નકૂટ પૂજા દિવાળીના બીજા દિવસે એટલે આજે છે. ગોવર્ધન પૂજા કારતક માસના શુક્લ પક્ષની પ્રતિપદા તિથિએ કરવામાં આવે છે. આ વખતે આ તહેવાર 5 નવેમ્બરે એટલે કે આજે ઉજવવામાં આવશે. આજે ઘરના પશુ, ગાય, વાછરડા વગેરેની પૂજા કરવામાં આવે છે. ગોવર્ધન પૂજાને અન્નકૂટ તરીકે પણ ઓળખવામાં આવે છે. આ દિવસે ભગવાન શ્રી કૃષ્ણને 56 ભોગ ચઢાવવામાં આવે છે. આ પ્રક્રિયાને અન્નકૂટ કહેવામાં આવે છે. આજે સવારે ભગવાન ગોવર્ધનની પૂજા કરવામાં આવે છે. આ દિવસે સૌ પ્રથમ ગાયના છાણમાંથી ગોવર્ધન પર્વત બનાવીને અન્ન, દૂધ, લાવા, મીઠાઈ વગેરે ચઢાવવાથી પ્રભુ શ્રી કૃષ્ણની કૃપા હંમેશા ભક્તો પર રહે છે. હિન્દુ કેલેન્ડર પ્રમાણે 05 નવેમ્બર 2021, શુક્રવાર પ્રતિપદાની તારીખ સવારે 02:44 વાગ્યે શરૂ થશે અને રાત્રે 11:14 વાગ્યે સમાપ્ત થશે.
ભગવાન શ્રીકૃષ્ણએ ઇન્દ્રની જગ્યાએ ગોવર્ધન પર્વત એટલે કે પ્રકૃતિની ઉપાસના શરૂ કરતાં રોષે ભરાયેલા, ઇન્દ્રએ એટલો વરસાદ વરસાવ્યો કે વિનાશ થયો. શ્રી કૃષ્ણએ ત્યારબાદ ઇન્દ્રનું અભિમાન તોડવા માટે ગોવર્ધન પર્વતને આંગળી પર ઉંચકીને ગોકુળવાસીઓની રક્ષા કરી. ત્યારથી, કારતક માસના શુક્લ પક્ષની પ્રતિપદાને ગોવર્ધન પૂજનની પ્રથા મળી. એવી માન્યતા પણ છે કે મહાભારત પ્રમાણે જ્યારે કૌરવો અને પાંડવો વચ્ચે ચૌસર રમાયો, ત્યારે પાંડવોએ તેમાં બધું ગુમાવ્યું. પછી પાંડવોને દેશનિકાલ અને અજ્ઞાતવાસ માંથી પસાર થવું પડ્યું. પાંડવો દિવાળીના દિવસેવનવાસનો સમયગાળો પૂરો થયા પછી જ પાછા ફર્યા. તેમના પરત ફરવાની ખુશીમાં, નગરજનોએ દીપ પ્રગટાવી ઉત્સવની ઉજવણી કરી હતી.
