બિહારના મુઝફ્ફરપુરમાંથી એક ચોંકાવનારો કિસ્સો સામે આવ્યો છે. અહીં એક મહિલાએ તેના પતિ વિરુદ્ધ પોલીસ ફરિયાદ નોંધાવી છે. પત્નીનો આરોપ છે કે તેનો પતિ તેની સાથે સંબંધ નથી બાંધતો. પત્નીએ મહિલા પોલીસ સ્ટેશનમાં પતિ સહિત સાસરિયાંના 7 લોકો વિરુદ્ધ FIR નોંધાવી છે. તેણીએ તેના સાસરીયાઓ પર પણ જાનથી મારી નાખવાની ધમકી આપવાનો આરોપ લગાવ્યો હતો.
રિપોર્ટ્સ અનુસાર, મહિલા વૈશાલી જિલ્લાના લાલગંજની રહેવાસી છે. તેના લગ્ન બે વર્ષ પહેલા મુઝફ્ફરપુર જિલ્લાના અહિયાપુરના એક વ્યક્તિ સાથે થયા હતા. મહિલાએ પોલીસને જણાવ્યું કે જ્યારથી તેના લગ્ન થયા છે ત્યારથી તેનો પતિ તેની સાથે શારીરિક સંબંધ નથી રાખતો. તેણીએ હજુ સુધી સુહાગરાત પણ નથી કરી.
મહિલાના કહેવા પ્રમાણે, જ્યારે તેણે તેના સાસરિયાઓને તેના પતિ વિશે ફરિયાદ કરી તો તેઓએ તેને ચૂપ રહેવા કહ્યું. પતિને સમજાવવાને બદલે પત્નીને ગાળો ભાંડી. જ્યારે પતિને આ અંગે પૂછપરછ કરવામાં આવી તો તેણે પણ તેની સાથે મારપીટ કરી હતી. પીડિતાએ આરોપ લગાવ્યો કે જ્યારે તેણીએ તેના પિયર જવા વિશે પૂછ્યું તો તેનો પતિ તેને ધમકી આપતો હતો અને કહેતો હતો કે જો તે ઘર છોડી જશે તો તે તેના પરિવારને મારી નાખશે.
મહિલા કોઈક રીતે તેના સાસરિયાના ઘરેથી ભાગી ગઈ હતી અને તેના દાદાની બીમારીના બહાને તેના પિયર ગઈ હતી. હવે તેના પિયરિયાની મદદથી તેણે પોલીસમાં ફરિયાદ નોંધાવી છે. મહિલા એસએચઓ અદિતિ કુમારીના જણાવ્યા અનુસાર, પોલીસે આઈપીસીની વિવિધ કલમો હેઠળ કેસ નોંધ્યો છે. એફઆઈઆરમાં પીડિતાના પતિ સહિત અન્ય છ લોકોને આરોપી બનાવવામાં આવ્યા છે. પોલીસે પણ પરામર્શ કરીને મામલો થાળે પાડવાનો પ્રયાસ કર્યો હતો પરંતુ નિષ્ફળ ગયો હતો. હવે પોલીસ આગળની કાર્યવાહીમાં વ્યસ્ત છે.
આ પણ વાંચો:લોકસભા ચૂંટણી પહેલા આધાર કાર્ડ કેમ કરવામાં આવી રહ્યા નિષ્ક્રિય? સીએમ મમતાએ પીએમ મોદીને લખ્યો પત્ર
આ પણ વાંચો:અખિલેશે કોંગ્રેસને ઓફર કરી 17 સીટો, કોંગ્રેસના જવાબ બાદ આગળનો રસ્તો થશે નક્કી
આ પણ વાંચો:પ્રિયંકા ગાંધીની બગડી તબિયત, સર ગંગારામ હોસ્પિટલમાં કરાયા દાખલ
