નેશનલ એસેમ્બલીના ડેપ્યુટી સ્પીકર દ્વારા અવિશ્વાસ પ્રસ્તાવને ફગાવી દેવાના અને ત્યારબાદ સંસદ ભંગ કરવાના મામલે પાકિસ્તાનની સુપ્રીમ કોર્ટ આજે રાત્રે ભારતીય સમય મુજબ આઠ વાગ્યે પોતાનો નિર્ણય સંભળાવશે. પાકિસ્તાનના મુખ્ય ન્યાયાધીશ (CJP) ઉમર અતા બંદિયાલે ગુરુવારે કહ્યું હતું કે તે સ્પષ્ટ છે કે નેશનલ એસેમ્બલીના ડેપ્યુટી સ્પીકર કાસિમ ખાન સૂરીનો 3 એપ્રિલનો નિર્ણય, જેણે વડા પ્રધાન ઇમરાન ખાન વિરુદ્ધ અવિશ્વાસ પ્રસ્તાવને ફગાવી દીધો હતો, તે ખોટો હતો.
ચોથા દિવસની સુનાવણી દરમિયાન ચીફ જસ્ટિસ બંદિયાલે ધ્યાન દોર્યું હતું કે ગૃહમાં ડેપ્યુટી સ્પીકર દ્વારા આપવામાં આવેલી વ્યવસ્થા પ્રથમ દૃષ્ટિએ બંધારણની કલમ 95નું ઉલ્લંઘન છે.
“વાસ્તવિક પ્રશ્ન એ છે કે આગળ શું થાય છે,” બંદિયાલે કહ્યું, હવે પીએમએલ-એનના વકીલ અને પાકિસ્તાનના એટર્ની જનરલ (એજીપી) ખાલિદ જાવેદ ખાન કેવી રીતે આગળ વધવું તે અંગે કોર્ટને માર્ગદર્શન આપશે.
‘આપણે રાષ્ટ્રીય હિતનું ધ્યાન રાખવું પડશે’
ચીફ જસ્ટિસે કહ્યું કે, આપણે રાષ્ટ્રીય હિતને જોવું પડશે. તેમણે કહ્યું કે કોર્ટ આજે ચુકાદો સંભળાવશે.તેમણે સીજેપી બંદ્યાલની અધ્યક્ષતામાં જસ્ટિસ ઇજાઝુલ અહેસાન, જસ્ટિસ મઝહર આલમ મિયાંખેલ, જસ્ટિસ મુનીબ અખ્તર અને જસ્ટિસ જમાલ ખાન મંડોખૈલની બનેલી પાંચ જજોની બેન્ચ તરીકે આજે આ મામલાની સુનાવણી કરી હતી. બુધવારે, સુનાવણી એક દિવસ માટે મુલતવી રાખવામાં આવી હતી.
આ પણ વાંચો:અરવિંદ કેજરીવાલે ખોલ્યુ પંજાબ વિધાનસભાની જીતનું રહસ્ય, આ બે કારણો મહત્વપૂર્ણ
આ પણ વાંચો:CM મમતા બેનર્જીનો દાવો, દેશની આર્થિક સ્થિતિ ખરાબ થઈ રહી છે, મને શંકા છે કે…
