રાંચી,
રાંચીના રંજીત શ્રીવાસ્તવ એક હ્યુમનોયડ રોબોટ પર કામ કરી રહ્યા છે. આ રોબોટને રશ્મી નામ આપવામાં આવ્યું છે. મેનેજમેન્ટ ગ્રેજ્યુએટ રંજીત શ્રીવાસ્તવ દાવો કરે છે કે રશ્મી વિશ્વની સૌપ્રથમ હિન્દી બોલતી હ્યુમનોયડ રોબોટ છે અને ભારતની પ્રથમ લીપ સ્પીકીંગ રોબોટ છે, જે હિંદી સાથે મરાઠી, ભોજપુરી અને અંગ્રેજી ભાષા બોલી શકે છે અને સમજી શકે છે.
રંજીત શ્રીવાસ્તવએ કહ્યું હતું કે રશ્મી બનાવવા માટે તેમણે બે વર્ષનો સમય લીધો હતો, જેમાં તેમણે અત્યાર સુધી લગભગ 50 હજાર ખર્ચ કર્યા છે. તેમણે જણાવ્યું હતું કે રશ્મીના બોડીનો 80% ભાગ તૈયાર થયેલો છે અને હવે તેના ફક્ત હાથ અને પગ જ બાકી છે. જો કે, તે સંપૂર્ણપણે તૈયાર થવા માટે એક મહિના કરતાં વધુ સમય લેશે. રંજીતે કહ્યું હતું કે તે હજી પણ તેની આંખો, હોઠ અને પાપણને હલાવી દે છે. તેમજ ગરદન ફેરવી ઈશારો પણ કરી શકે છે.
રશ્મીની સિસ્ટમમાં હિયરિંગ સાધન છે અને આંખોમાં કેમેરા સ્થાપિત છે. વધુમાં, તે હોઠ હલાવીને આંખોથી નિરીક્ષણ પણ કરે છે.રશ્મી હવે લોકોને ઓળખી પણ શકે છે.
રંજીત કહે છે, “હ્યુમનોયડ રોબોટ્સને અમારા ભવિષ્યની આવશ્યકતા છે, આગામી સમયમાં, રીસેપ્શનિસ્ટ, સહાયક, એક વ્યક્તિના મિત્ર બનવા માટે ઉપયોગમાં લેવાશે.
રસપ્રદરીતે જો રશ્મીને કોઈ પ્રશ્ન પૂછવામાં આવે તો, તે સેન્સ ઓફ હ્યુમર સાથે જવાબ આપશે. જેમ જેમ કે રશ્મીને પુછવામાં આવે કે ‘તમે ખરાબ લાગો છો’, તોજવાબમાં તે કહેશે કે ‘ગેટ આઉટ’
પણ જો તેમ રશ્મીને પુછશો કે ‘તમે સુંદર છો’ તો તેની પ્રતિક્રિયામાં તે ‘આભાર’ કહેશે. જ્યારે રશ્મીને તેમના મનપસંદ હીરો વિશે પૂછવામાં આવ્યું ત્યારે તેણે જવાબ આપ્યો શાહરુખ ખાન રંજીત સમજાવે છે કે જો રશ્મી કોઈને ઓળખે તો તે તેના સાથે કલાકો સુધી વાત કરી શકે છે.
આ રોબોટ ‘Sophia’ના ભારતીય વર્ઝન તરીકે વર્ણવવામાં આવી રહ્યું છે. 2015 હોંગકોંગ સ્થિત કંપની હેન્સન રોબોટિક્સ લિમિટેડ દ્વારા Sophiaને વિકસાવવામાં આવી હતી. અદલોઅદલ માનવ જેવી લાગતી ‘Sophia’ને સાઉદી અરેબિયાની નાગરિકતા 2017 માં મળી છે.
રંજીતે કહ્યું હતું કે રશ્મી બનાવવાનો વિચાર 2016 માં થયો હતો ‘Sophia’ના કાર્યોને જોયા બાદ, તેમણે નક્કી કર્યું કે તેઓ આવા માનવીય રોબોટ બનાવશે જે હિન્દી બોલી શકે અને સમજી શકે.